QR Densaýlyq saqtaý ministrligi Mindetti áleýmettik meditsinalyq saqtandyrý (MÁMS) júiesindegi jeńildigi bar azamattar sanatyn arttyrýdy usyndy, dep habarlaidy "Ult aqparat" ministrliktiń baspasóz qyzmetine silteme jasap.
Bul usynys QR Densaýlyq saqtaý vitse-ministri Oljas Ábishevtiń tóraǵalyǵymen MÁMS engizý boiynsha kedomstvoaralyq komissiianyń otyrysyndai aityldy.
Jiynda MÁMS biznes protsesin avtomattandyrýǵa qatysty birqatar máseleler, jeńildigi bar azamattar jaily málimetti sáikestendirý úshin aqparattyq júieni biriktirý, áskerilerdi, quqyq qorǵaý organdary, arnaiy jasaq qyzmetkerleri men Meditsinalyq saqtandyrý qoryna aqsha aýdarý, jarna tóleýden bosatylǵan ózge de azamatardy esepke alý tetigi talqylandy.
«Qazaqstan Respýblikasynyń 2015 jyl 16 qarashasyndaǵy «Mindetti áleýmettik meditsinalyq saqtandyrý» zańyna sáikes, jeńildigi bar azamattar 13 sanatqa bólingen. Olar úshin jarnany memleket tóleidi. Búginde mundai sanattaǵy azamattardyń sany 10,3 mln adam nemese jalpy halyqtyń 56 paiyzyn quraidy», - delingen habarlamada.
Baspasóz qyzmetiniń málimetinshe, QR Densaýlyq saqtaý ministrligi «osyndai jeńildigi bar azamattardyń sanatyn taǵy arttyrýdy qajet» dep esepteidi. Tabysy tómen otbasylarǵa meditsinalyq kómek qoljetimdi bolý úshin 2020 jyldyń qańtarynan bastap MÁMS júiesindegi jeńildigi bar 13 sanattyń qataryna jumyssyzdardy, birinshi toptaǵy múgedekti bala kúninen kútip otyrǵandardy, memleketten ataýly áleýmettik kómek alatyn jandardy da qosýdy usynady.
Atalǵan usynystar «QR keibir zań aktilerine arnaiy ekonomikalyq jáne indýstriialyq aimaq, investitsiia tartý, eksportty damytý týraly máseleler boinysha ózgeris engizý týraly» zań jobasyna kirgizilgen.
Zańǵa engizilgen bul usynystar qabyldansa, áleýmettik jaǵdaiy tómen halyqqa MÁMS boiynsha meditsinalyq kómek qoljetimdi bolady. Saqtandyrý boiynsha azamattarǵa profilaktikalyq meditsinalyq baqylaý (Check-up), meditsinalyq ońaltý, josparly stomatologiialyq kómek, ambýlatoriialyq dári-dármekpen qamtý, statsionarlyq kómek, qymbat diagnostikalyq qyzmetter (KT, MRT, Polimerazdyq jelilik reaktsiia jáne t.b.) kórsetiledi.
Meditsinalyq saqtandyrý qory biyl tolyq sandyq júiege kóship, 2019 jyldyń sońyna deiin meditsinalyq kómek kórsetetin mekemelermen kelisimdi tegis elektrondy formatqa aýystyrady. Emhanaǵa tirkelý de avtomattandyrylady, sonda adamnyń meditsinalyq mekemege barýy mindetti bolmaidy. Elektrondy format MÁMS qatysýshylardyń sanaty týraly aqparat alý, Meditsinalyq saqtandyrý qoryna aýdarylǵan qarjy jaily e-Gov portalynan málimet alýdy da jedeldetedi.
Eńbek jáne halyqty áleýmettik qorǵaý ministrliginiń málimetinshe, ózin ózi jumyspen qamtyp júrgenderdi rásimdeý jumysy jalǵasýda. Qazir 2,7 mln adamnyń 1,8 mln astamy tirkelgen.
MÁMS enzigý boiynsha vedomstvoaralyq komissiianyń kelesi otyrysynda Tegin meditsinalyq kómektiń kepildik berilgen kólemi (TMKKK) jáne MÁMS paketiniń jańa modelin engizý, onyń biýdjeti, jeńildigi bar sanattaǵy azamattardy, áskeriler men arnaiy jasaq qyzmetkerleriniń quramyn qarjylandyrý máselesi talqylanady.
