Búgin Astanada ótip jatqan «Digital Bridge» halyqaralyq innovatsiialyq forýmynda Qazaqstandaǵy tsifrlandyrý salasyndaǵy eń alǵashqy Digital Bridge Awards júldesi tabystaldy, dep habarlaidy Baq.kz agenttigi.
QR Premer-Ministriniń orynbasary Asqar Jumaǵalievtyń tóraǵalyq etýimen úsh nominatsiia boiynsha jeńimpazdar anyqtaldy.
Resei Federatsiiasynyń bailanys jáne buqaralyq kommýnikatsiialar ministri Konstantin Noskov «Úzdik tsifrlyq bastama» nominatsiiasyn QR Densaýlyq saqtaý ministrligine tabystady. Júldeni alýǵa ministr Eljan Birtanovtyń ózi keldi.
«Tsifrlandyrý jóninde eń úzdik keńse» nominatsiiasyn «Ońai» kompaniiasy jeńip aldy. Júldeni Estoniia premer-ministri Iýri Ratas tabys etti. «Úzdik IT-kompaniia» nominatsiiasyna ie bolǵan «Dokýmentolog» kompaniiasy júldeni QR Premer-ministri Baqytjan Saǵyntaevtyń qolynan aldy.
Aita ketsek, búgin Astanada «Digital Bridge» halyqaralyq innovatsiialyq forýmy ótip jatyr. Bul aýqymdy sharaǵa halyqaralyq IT-qoǵamdastyq ókilderi, tehnologiia salasyndaǵy belgili sarapshylar, kásiporyn basshylary, tehnologiialyq kásipkerler men ózge de elderdiń memlekettik sektorlary ókilderi, ǵalymdar, kásipqoi tsifrlyq ázirleýshiler, sonymen birge venchýrlyq kapitalister men investorlar qatysyp otyr.
