Qazaqstannyń Densaýlyq saqtaý ministri Aleksei Tsoi koronavirýsqa qarsy qazaqstandyq vaktsina saldyrýdy josparlap otyr.
Bul týraly QR Densaýlyq saqtaý vitse-ministri – Bas memlekettik sanitarlyq dáriger Erlan Qiiasov málim etti, dep habarlaidy "Ult aqparat".
«QR Densaýlyq saqtaý ministri Aleksei Tsoi qazaqstandyq vaktsina saldyrýdy maqsat etip otyr. Iaǵni, ózimizdiń elimizdiń vaktsinasy daiyn bolyp, shyqqan kezde sony saldyrady», - dedi Erlan Qiiasov Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Aita keteiik, Memleket basshysy Qasym-Jomart Toqaevtyń tapsyrmasymen 1 aqpanda Qazaqstanda «Spýtnik V» vaktsinasyn erikte negizge egý naýqany bastalady.
