Búgin Almaty qalasyna jumys sapary barysynda Densaýlyq saqtaý ministri Aleksei Tsoi sanepidbaqylaý, medfarmbaqylaý aýmaqtyq departamentteri mamandarynyń qatysýymen KVI-men kúres jónindegi shtabtyń kóshpeli otyrysyn ótkizdi, dep habarlaidy "Ult aqparat" vedomstvonyń baspasóz qyzmetine silteme jasap.
Ministr qaladaǵy epidemiologiialyq ahýaldy baqylaýdyń jetkiliksizdigin tilge tiek etti. Osylaisha, A.Tsoi Almaty meditsinalyq aktiviniń aldyna birqatar mańyzdy mindet qoidy, olardy qysqa merzimde sheshý qajettigi de aityldy.
Atap aitqanda, rezervtik aýrýhanalardyń qýattyn arttyrý, KVI taralýynyń algoritmin ázirleý, shahardaǵy eresek halyqty vaktsinamen barynsha qamtý úshin ekpeniń qosymsha kólemin jetkizý, dári-dármekpen qamtamasyz etý.
Ministr alǵashqy meditsinalyq-sanitarlyq kómek, naýqastarmen bailanysqa túsken adamdardy der kezinde qalalyq emhana deńgeiinde anyqtaý, tekserý jáne baqylaý sharalaryn júzege asyrýǵa basa nazar aýdardy. Ol koronavirýstyń taralý oshaqtaryn ýaqtyly zertteýdiń mańyzdylyǵyn atap ótip, KVI jaǵdailarynyń baqylaýsyz ósýine sebep bolýy múmkin ekendigine ekpin berdi. Kezdesý barysynda naýqastarmen bailanysta bolǵan adamdardy ýaqytyly anyqtaý, olardyń densaýlyq jaǵdaiyn baqylaý jáne monitoring júrgizý qajetti aityldy.
Sondai-aq, monitoring toptary jumysynyń tiimdiligin arttyrý jáne karantin sharalaryn saqtamaityndarǵa ýaqtyly shara qabyldaý qajet.
Aldaǵy ýaqytta kelip túsetin vaktsina kóleminiń ulǵaiýyn eskere otyryp, vaktsinatsiialaýǵa arnalǵan kontingentti jáne vaktsinatsiia pýnktteriniń jetkiliksizdigin boldyrmaý, kóshpeli egý brigadalaryn uiymdastyrý úshin tońazytqysh jabdyǵymen qamtamasyz etýdi baqylaý talap etiledi.
Sońǵy eki aptada Almatyda epidemiologiialyq ahýaldyń nasharlaýy baiqaldy, naýqastanýshylardyń sany 2,7 esege ósti. Sonymen qatar, jaǵdaiy aýyr naýqastardyń eń kóp úlesi alǵashqy táýlikte tirkeldi, bul alǵashqy meditsinalyq-sanitarlyq kómek kórsetetin uiymdardyń deńgeiindegi jumystyń jetkiliksizdigin kórsetedi.
Jalpy, KVI-ge qarsy kúres jónindegi shtabtyń kóshpeli otyrysynyń qorytyndysy boiynsha ministr A.Tsoi shekteý sharalaryn qatań saqtaýdy qosa alǵanda, barlyq baǵyttar boiynsha infektsiiany oqshaýlaý boiynsha jumysty kúsheitýdi tapsyrdy.
Aita keterligi, 25 naýryzdaǵy jaǵdai boiynsha Almaty qalasynda COVID-19 oń nátijesimen 31 307 naýqas jáne COVID-19 (PTR -) 5 498 yqtimal jaǵdaiy tirkelgen. 559 ólim jaǵdaiy tirkeldi (452 KVI+, 107 KVI-).
Sońǵy 7 kún ishinde 100 myń turǵynǵa shaqqanda KVI+ syrqattanýshylyq kórsetkishi-141,0 qurady, RT reprodýktivti sany 1,11 qurady. Sońǵy táýlikte KVI+ 341 jaǵdaiy tirkeldi, ósim 1,1 qurady.
Ótken aptada (18 naýryzdan 24 naýryzǵa deiin) aldyńǵy aptamen salystyrǵanda (11 naýryzdan 17 naýryzǵa deiin) aýrýdyń 1,3 ese ósýi baiqalady (2 033-ten 2 659 jaǵdaiǵa deiin).
Aýrýdyń eń joǵary kórsetkishi Bostandyq, M.Áýezov, Medeý jáne Naýryzbai aýdandarynda tirkelgen.
