بٷگٸن الماتى قالاسىنا جۇمىس ساپارى بارىسىندا دەنساۋلىق ساقتاۋ مينيسترٸ الەكسەي تسوي سانەپيدباقىلاۋ, مەدفارمباقىلاۋ اۋماقتىق دەپارتامەنتتەرٸ ماماندارىنىڭ قاتىسۋىمەن كۆي-مەن كٷرەس جٶنٸندەگٸ شتابتىڭ كٶشپەلٸ وتىرىسىن ٶتكٸزدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
مينيستر قالاداعى ەپيدەميولوگييالىق احۋالدى باقىلاۋدىڭ جەتكٸلٸكسٸزدٸگٸن تٸلگە تيەك ەتتٸ. وسىلايشا, ا.تسوي الماتى مەديتسينالىق اكتيۆٸنٸڭ الدىنا بٸرقاتار ماڭىزدى مٸندەت قويدى, ولاردى قىسقا مەرزٸمدە شەشۋ قاجەتتٸگٸ دە ايتىلدى.
اتاپ ايتقاندا, رەزەرۆتٸك اۋرۋحانالاردىڭ قۋاتتىن ارتتىرۋ, كۆي تارالۋىنىڭ الگوريتمٸن ەزٸرلەۋ, شاھارداعى ەرەسەك حالىقتى ۆاكتسينامەن بارىنشا قامتۋ ٷشٸن ەكپەنٸڭ قوسىمشا كٶلەمٸن جەتكٸزۋ, دەرٸ-دەرمەكپەن قامتاماسىز ەتۋ.
مينيستر العاشقى مەديتسينالىق-سانيتارلىق كٶمەك, ناۋقاستارمەن بايلانىسقا تٷسكەن ادامداردى دەر كەزٸندە قالالىق ەمحانا دەڭگەيٸندە انىقتاۋ, تەكسەرۋ جەنە باقىلاۋ شارالارىن جٷزەگە اسىرۋعا باسا نازار اۋداردى. ول كوروناۆيرۋستىڭ تارالۋ وشاقتارىن ۋاقتىلى زەرتتەۋدٸڭ ماڭىزدىلىعىن اتاپ ٶتٸپ, كۆي جاعدايلارىنىڭ باقىلاۋسىز ٶسۋٸنە سەبەپ بولۋى مٷمكٸن ەكەندٸگٸنە ەكپٸن بەردٸ. كەزدەسۋ بارىسىندا ناۋقاستارمەن بايلانىستا بولعان ادامداردى ۋاقىتىلى انىقتاۋ, ولاردىڭ دەنساۋلىق جاعدايىن باقىلاۋ جەنە مونيتورينگ جٷرگٸزۋ قاجەتتٸ ايتىلدى.
سونداي-اق, مونيتورينگ توپتارى جۇمىسىنىڭ تيٸمدٸلٸگٸن ارتتىرۋ جەنە كارانتين شارالارىن ساقتامايتىندارعا ۋاقتىلى شارا قابىلداۋ قاجەت.
الداعى ۋاقىتتا كەلٸپ تٷسەتٸن ۆاكتسينا كٶلەمٸنٸڭ ۇلعايۋىن ەسكەرە وتىرىپ, ۆاكتسيناتسييالاۋعا ارنالعان كونتينگەنتتٸ جەنە ۆاكتسيناتسييا پۋنكتتەرٸنٸڭ جەتكٸلٸكسٸزدٸگٸن بولدىرماۋ, كٶشپەلٸ ەگۋ بريگادالارىن ۇيىمداستىرۋ ٷشٸن توڭازىتقىش جابدىعىمەن قامتاماسىز ەتۋدٸ باقىلاۋ تالاپ ەتٸلەدٸ.
سوڭعى ەكٸ اپتادا الماتىدا ەپيدەميولوگييالىق احۋالدىڭ ناشارلاۋى بايقالدى, ناۋقاستانۋشىلاردىڭ سانى 2,7 ەسەگە ٶستٸ. سونىمەن قاتار, جاعدايى اۋىر ناۋقاستاردىڭ ەڭ كٶپ ٷلەسٸ العاشقى تەۋلٸكتە تٸركەلدٸ, بۇل العاشقى مەديتسينالىق-سانيتارلىق كٶمەك كٶرسەتەتٸن ۇيىمداردىڭ دەڭگەيٸندەگٸ جۇمىستىڭ جەتكٸلٸكسٸزدٸگٸن كٶرسەتەدٸ.
جالپى, كۆي-گە قارسى كٷرەس جٶنٸندەگٸ شتابتىڭ كٶشپەلٸ وتىرىسىنىڭ قورىتىندىسى بويىنشا مينيستر ا.تسوي شەكتەۋ شارالارىن قاتاڭ ساقتاۋدى قوسا العاندا, بارلىق باعىتتار بويىنشا ينفەكتسييانى وقشاۋلاۋ بويىنشا جۇمىستى كٷشەيتۋدٸ تاپسىردى.
ايتا كەتەرلٸگٸ, 25 ناۋرىزداعى جاعداي بويىنشا الماتى قالاسىندا COVID-19 وڭ نەتيجەسٸمەن 31 307 ناۋقاس جەنە COVID-19 (پتر -) 5 498 ىقتيمال جاعدايى تٸركەلگەن. 559 ٶلٸم جاعدايى تٸركەلدٸ (452 كۆي+, 107 كۆي-).
سوڭعى 7 كٷن ٸشٸندە 100 مىڭ تۇرعىنعا شاققاندا كۆي+ سىرقاتتانۋشىلىق كٶرسەتكٸشٸ-141,0 قۇرادى, RT رەپرودۋكتيۆتٸ سانى 1,11 قۇرادى. سوڭعى تەۋلٸكتە كۆي+ 341 جاعدايى تٸركەلدٸ, ٶسٸم 1,1 قۇرادى.
ٶتكەن اپتادا (18 ناۋرىزدان 24 ناۋرىزعا دەيٸن) الدىڭعى اپتامەن سالىستىرعاندا (11 ناۋرىزدان 17 ناۋرىزعا دەيٸن) اۋرۋدىڭ 1,3 ەسە ٶسۋٸ بايقالادى (2 033-تەن 2 659 جاعدايعا دەيٸن).
اۋرۋدىڭ ەڭ جوعارى كٶرسەتكٸشٸ بوستاندىق, م.ەۋەزوۆ, مەدەۋ جەنە ناۋرىزباي اۋداندارىندا تٸركەلگەن.
