«Densaýlyq» meditsinalyq poiyzy Qyzylorda oblysynyń 12 stansasynda jergilikti turǵyndarǵa tegin meditsinalyq kómek kórsetti, dep habarlaidy "Ult aqparat".
Poiyz dárigerleri birqatar kúrdeli aýrýlardy anyqtap, odan ári emdelý men tekserilýge joldamalar berdi. Qazirgi ýaqytta meditsinalyq poiyz Túrkistan oblysynda jumysyn jalǵastyryp jatyr.
«Dárigerler Qazaqstannyń ár aimaǵynda ekologiiaǵa jáne aimaqtyq erekshelikterge bailanysty spetsifikalyq problemaly jaǵdailardy anyqtap jatyr. Balalar men eresekterdiń arasynda anyqtalǵan aýrýlar san jaǵynan da aýrý dárejesiniń kúrdelilik deńgeii jaǵynan da ósip jatyr.
Jii kezdesken aýrýlar qatarynda: qant diabeti, gipertenziia, revmatoidty artrit jáne onkologtyń qabyldaýynda patsientterdiń barlyǵynda derlik mastopatiia belgileri anyqtaldy», delingen habarlamada.
Qyzylorda oblysyndaǵy meditsinalyq tekserýlerdiń statistikasy kelesidei: dárigerler barlyǵy 10 393 naýqasty qabyldaǵan, onyń ishinde 554-i bala.
Meditsinalyq poiyz kishigirim hirýrgiialyq operatsiialar men skriningter jasaý úshin qajetti quraldarmen jabdyqtalǵan. Osylaisha, poiyzda 312 shaǵyn hirýrgiialyq ota jasaldy, 610 EKG protsedýrasy, 617 ÝDZ jáne 199 fliýorografiia jasaldy.
Qyzylorda oblysynda turǵyndar eń kóp qaralǵan dárigerler: oftalmolog – 805 adam qabyldady, stomatolog 705 turǵyndy tekserdi,. Sondai-aq, 610 adam kardiologtyń, 705 turǵyn LOR dárigerdiń jáne 668 turǵyn ýrolog dárigerdiń qabyldaýynda bolǵan.
«Úzdiksiz qaitalanatyn epilepsiia aýrýy bar bir bala «Aqsai» respýblikalyq balalar aýrýhanasyna jatqyzyldy. Eń kóp taralǵan patologiia - temir tapshylyǵy anemiiasy, balalardyń 80% -da karies bar, balalarda ǵana emes, eresekter de kezdesedi»,- deidi Tatiana Imambaeva, pediatr, meditsina ǵylymdarynyń doktory, Qazaq ulttyq meditsinalyq ýniversitetiniń balalar aýrýlary kafedrasynyń professory.
Meditsinalyq poiyz mamandardyń keń spektrimen jumys isteitin klinikalary joq eldiń shalǵai aýdandarynda tegin meditsinalyq kómek kórsetedi. Turǵyndar poiyz dárigerlerine emdelýge, tekserýden ótip, densaýlyqty saqtaý boiynsha keńesteri úshin shynaiy rizashylyqtaryn bildirip jatyr. Kóptegen patsientter aqysyz jáne sapaly meditsinalyq kómek alý úshin meditsinalyq poiyzdy asyǵa kútetinderin aitady.
«Densaýlyq» poiyzy bizdiń Bekbaýyl beketine keldi. Men barlyq dárigerlerdiń qabyldaýynda boldym. Dárigerlerdiń qabyldaýy men tekserýi óte joǵary deńgeide. Qysqasha aitqanda, men dárigerlerdiń kómegine óte rizamyn. Olarǵa aldaǵy jumystarynda tabys tilegim keledi»,- deidi Bekbaýyl beketiniń turǵyny Toǵjan Júsipova.
Esterińizge sala ketsek, joba 29 sáýirden bastap júzege asyrylyp keledi jáne onyń basty maqsaty elimizdiń shalǵai aýdan turǵyndaryn tegin meditsinalyq qyzmetpen qamtý. Jobany «Samuryq-Qazyna» AQ kompaniialar tobynyń atynan «Samruk-Kazyna Trust» áleýmettik jobalardy damytý qory QR Densaýlyq saqtaý ministrliginiń at salysýymen júzege asyryp jatyr.
2019 jyldyń 20 tamyzynda «Járdem» mamandandyrylǵan meditsinalyq poiyzy iske qosylǵan bolatyn. Ol «Densaýlyq» poiyzy siiaqty meditsinalyq kómekke qoly jetpeitin shalǵaidaǵy stansalar men jaqyn ornalasqan aýyldardyń turǵyndaryna alǵashqy meditsinalyq-sanitarlyq jáne konsýltativtik-diagnostikalyq kómek kórsetedi. Eki poiyzda barlyǵy 50 myńnan astam adam tekserildi.
Poiyz vagondary nemis jáne japon óndirisiniń aldyńǵy qatarly firmalarynyń zamanaýi diagnostikalyq qural-jabdyqtarymen jabdyqtalǵan. Apparatýralar patsientterge qajet bolǵan jaǵdaida tolyq jalpy jáne biohimiialyq taldaýlar jasaýǵa, rengenografiia jáne fliýorografiiadan ótýge, ishki organdarǵa jáne qan tamyrlaryna ÝDZ-zertteýler júrgizýge, elektrokardiogramma, gastrofibroskopiia jasaýǵa jáne basqa da diagnostikalyq zertteýler júrgizýge múmkindik beredi.
Poiyz kestesimen www.medpoezd.kz jáne www.sk-trust.kz/ru saittarynan tanysa alasyzdar.
