Qazaqstannyń 5 meditsinalyq joǵary oqý orny men Ulttyq onkologiia jáne radiologiia zertteý institýtynda meditsina ǵylymynyń damýyna serpin beretin JI (jasandy intellekt) algoritmderin jetildirý jobasy iske asyryla bastady, dep habarlaidy QazAqparat.
«Densaýlyq saqtaý salasyndaǵy jasandy intellekt: Ǵylym + Meditsina + AT + Qazaqstandyq áleýet = qoldanbaly sipattaǵy biregei sheshim. 2019 jyldyń shilde aiynda aqparattyq tehnologiialyq gigant IVM onkologiialyq aýrýlarmen kúresý baǵytynda jasandy intellekttiń úsh quralyna qoljetimdilikti qamtamasyz etti. Algoritmderdi paidalaný men ony ary qarai jetildirý obyr aýrýyn erterek anyqtap, emdeýdiń jańa ádisterin anyqtaýǵa múmkindik beredi. Algoritm keleshegi joq nusqalardyń bárin qyryp-joiyp, testileýge ketetin shyǵyndy qysqartady», - dep jazady vitse-ministr Oljas Ábishev Facebook-te.
Vitse-ministrdiń habarlaýynsha, basqa algoritmder mańyzdy jańartýlar boiynsha meditsinalyq jýrnaldardy taldap, árbir patsient úshin jeke kútimdi tańdaidy.
«Atalǵan algoritmderdi paidalaný obyrmen ǵana emes, basqa da qaýipti aýrýlarmen kúresýge jol ashady», - deidi ol.
Densaýlyq saqtaý ministrliginiń Tsifrlandyrý keńsesi II algoritmderin paidalaný men jetildirý boiynsha jobanyń tolyqqandy iske qosylǵanyn jariialaidy. Joba Qazaqstannyń 5 meditsinalyq JOO-synda jáne Ulttyq onkologiia jáne radiologiia zertteý institýtynda bastalyp ketken. Olar:
- Asfendiiarov atyndaǵy Qazaq ulttyq meditsinalyq ýniversiteti;
- Astana meditsinalyq ýniversiteti;
- Qaraǵandy meditsinalyq ýniversiteti;
- Semei meditsinalyq ýniversiteti;
- Ospanov atyndaǵy BQO meditsinalyq ýniversiteti;
- Qazaq Ulttyq onkologiia jáne radiologiia zertteý institýty.
«Atalǵan quraldardy paidalaný meditsina ǵylymynyń damýyna serpin berip, qaýipti aýrýlarda emdeýdiń jańa ádisterin daiyndaýǵa serpin berer degen senimdemiz», - dedi Oljas Ábishev.
