Qazaqstan kúzde qatań karantin sharalaryna oralýy múmkin be? Bul saýalǵa QR Densaýlyq saqtaý ministrliginiń resmi ókili Baǵdat Qojahmetov jaýap berdi, dep habarlaidy "Ult aqparat".
«Qalai degenmen qazirgi ýaqytta Densaýlyq saqtaý ministrligi de, Úkimet te belgili bir teris boljamǵa baǵdar jasap otyr. Ol qysqa merzimdi, uzaq merzimdi bolady. Uzaqmerzimdi boljamda qatelikke boialdyrý deńgeii óte joǵary. Sondyqtan Densaýlyq saqtaý ministrligi qysqa merzimdi aptalyq, 15 kúndik nemese 10 kúndik boljamǵa arqa súieidi», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, 15 tamyzda karantin sharalaryn jeńildetý jaǵdaiy boldy. Odan keiin tamyz aiynyń sońynda taǵy da karantin sharalary bosańsytylyp, biznesmender men kásiporyndar jumysyna orala bastady.
«Karantin sharalarynyń qandai bolatyndyǵy, onyń kúsheitiletindigi ne bolmasa jeńildetiletindigi bizdiń qoǵamnyń tártibine, júris-turys ádebine tikelei bailanysty ekendigin atap ótkim keledi. Biz sanitar dárigerdiń talaptaryn múltiksiz oryndap, birinshi kezekte maska taǵýymyz, áleýmettik araqashyq saqtaýymyz, jabyq ǵimarattyń ishinde kóptep jinalmaýymyz kerek. Tártipke qalai baǵynatyndyǵymyzǵa bailanysty karantin sharalary qatańdatylyp ne bolmasa múldem alynyp tastalýy múmkin», - dedi Baǵdat Qojahmetov.
