Búgin Premer-Ministr Baqytjan Saǵyntaevtyń tóraǵalyǵymen ótken QR Úkimetiniń otyrysynda QR densaýlyq saqtaý salasyn damytýdyń 2016–2019 jyldarǵa arnalǵan «Densaýlyq» memlekettik baǵdarlamasyn iske asyrýdyń 2017 j. qorytyndysy týraly densaýlyq saqtaý ministri Eljan Birtanov baiandady, dep habarlaidy "Ult aqparat".
E. Birtanovtyń aitýynsha, 2017 jyly Ministrlik memlekettik baǵdarlamanyń 7 baǵytyna negizdelgen «Densaýlyq saqtaý salasyn jańǵyrtý» 6 jobasyn iske asyra bastady. Osylaisha, Memlekettik baǵdarlamanyń sharalary jobalyq basqarý qaǵidalary boiynsha júzege asyrylady.
Jobalyq basqarý kórsetkishteri aiasynda «Eńbek ónimdiligin arttyrý» indikatorynan basqa 4 kórsetkishke qol jetkizildi. Memlekettik baǵdarlamanyń 2017 jylǵa josparlanǵan 123 is-sharasynyń 122-si oryndaldy, tek 1-ýi oryndalǵan joq.
Qoǵamdyq densaýlyq saqtaýdy damytýdyń birinshi baǵytyn iske asyrý aiasynda 24 shara oryndaldy. Qyzmettiń institýtsionaldyq negizi quryldy, halyqaralyq seriktestermen birlesip ázirlengen Jol kartasy iske asyrylyp jatyr. Qoǵamdyq densaýlyq saqtaý boiynsha negizgi jumys eń aldymen sozylmaly infektsiialyq emes aýrýlardyń profilaktikasyna jáne halyq arasynda salaýatty ómir saltyn nasihattaýǵa baǵyttalǵan. Balalardyń densaýlyǵyn saqtaýdy sabaqtastyrý úshin mektep meditsinasy bilim berý júiesinen densaýlyq saqtaý júiesine berildi, sonymen birge mektepte tamaqtandyrýdyń biryńǵai standarttary men sýitsidterdiń aldyn alý baǵdarlamasy engizilýde.
Densaýlyq saqtaýdyń barlyq qyzmetterin integratsiialaý boiynsha ekinshi baǵyt aiasynda meditsinalyq-sanitariialyq alǵashqy kómekke qoljetimdilikti qamtamasyz etý jónindegi is-sharalar oryndaldy. Atalǵan sharalar ana, náreste ólimi men elimiz boiynsha jalpy qaterli isikterden bolatyn ólimdi tómendetýge múmkindik berdi.
«100 naqty qadam» Ult josparynyń 82-qadamyna sáikes úshinshi baǵyt boiynsha mindeti jańa standarttardy, sondai-aq meditsinalyq kómek kórsetý tehnologiialaryn bekitý jáne engizý bolyp tabylatyn Sapa jónindegi birikken komissiia quryldy. Elektrondyq formatta kórsetý arqyly memlekettik qyzmetterdiń qoljetimdiligi men yńǵaily bolýyn arttyrý jumystary júrgizilýde. Júrgizilgen is-sharalardyń nátijesinde halyqtyń meditsinalyq kómekpen qanaǵattaný deńgeiiniń nysanaly indikatory 46%-ke deiin ósti.
Tórtinshi baǵyt aiasynda dárilik zattardyń qoljetimdiligin, sapasy men qaýipsizdigin arttyrý kózdelgen. Memleket basshysynyń tapsyrmasy boiynsha barlyq dárilik zattarǵa arnalǵan baǵalardy retteý týraly zań jobasy ázirlenip, Parlamentke engizildi. 2017 jyly otandyq taýar óndirýshilermen 25 jańa uzaq merzimdi shart jasaldy. Bul zattai máninde otandyq taýar óndirýshilerden dárilik zattardy satyp alý úlesin 48%-ke deiin ulǵaitýǵa múmkindik berdi. OTÓ kóleminiń ósýi 33%-ti qurady nemese aqshalai máninde 45 mlrd teńgeni qurady.
Normativtik-quqyqtyq bazany jetildirý jáne satyp alýdyń ashyqtyǵyn qamtamasyz etý 18,2 mlrd teńgeni únemdeýge múmkindik berdi, olar dárilik zattardy qosymsha satyp alýǵa jiberildi. Júrgizilgen is-sharalar farmatsevtikalyq ónerkásiptiń fizikalyq kóleminiń indeksin 43%-ke arttyrýǵa jol ashty.
Besinshi baǵyt aiasynda mindetti áleýmettik meditsinalyq saqtandyrýdy engizýge daiyndyq júrgizilýde. 2017 jyly táýekelderge taldaý júrgizildi jáne ózin-ózi jumyspen qamtyǵan halyq sanynyń joǵary bolýyna bailanysty MÁMS-ty engizý merzimderi aýystyryldy.
Altynshy baǵyt — bul adami resýrstardy basqarý tiimdiligi. Pediatrlar, akýsher-ginekologtardy jáne basqa da qajetti mamandyqtar boiynsha praktikaǵa jiberý sharttarynyń ózgertilýi esebinen dáriger mamandar tapshylyǵy tómendetildi. Meditsinalyq joǵary oqý oryndarynyń jetekshi sheteldik ýniversitetterimen strategiialyq áriptestigi arqyly meditsinalyq bilimdi jańartý bastaldy. Ýniversitettik klinika modeli ázirlendi jáne meditsinalyq uiymdar ýniversitetterdiń quramyna biriktirilgen.
Jetinshi baǵyt aiasynda densaýlyq saqtaýdyń infraqurylymyn odan ári damytý maqsatynda memlekettik-jekeshelik áriptestik jáne zamanaýi aqparattyq-kommýnikatsiialyq tehnologiialar negizinde densaýlyq saqtaý uiymdary jelisiniń jańa memlekettik normativi bekitildi. Osy jyly Biryńǵai perspektivalyq jospar bekitiledi. Densaýlyq saqtaýdy tsifrlyq jańartý maqsatynda 4 óńirde (Qaraǵandy, Aqmola, Qostanai jáne Batys Qazaqstan oblystary) meditsinalyq qujattardy pilottyq qaǵazsyz júrgizý iske qosyldy, meditsinalyq uiymdardy aqparattyq júielermen qamtý 75,5% qurady, kompiýterlermen jaraqtandyrý 2,5 ese artty. 56% meditsinalyq uiymdarda internet qoljetimdi.
«Jalpy Memlekettik baǵdarlamanyń 35 kórsetkishiniń 30-y oryndaldy, 5 – oryndalǵan joq, onyń ishinde 1-i MÁMS engizý merziminiń aýysýyna bailanysty oryndalmady. Jalpy ólim jáne ana óliminiń kórsetkishteri boiynsha jaqsarý baiqalyp otyr», — dep qorytyndylady E. Birtanov.
