Qazaqstanda daryndy sportshy Denis Tenge arnalǵan shaǵyn kitap shyǵaryldy, dep habarlaidy "Ult aqparat".
Kitap 5 myń tirajben shyǵaryldy jáne basylym Astana kitaphanalarynda tegin taratylyp jatyr.
«Bizdiń Denis» atty 60 betten turatyn jinaqqa sportshynyń ómirbaiany, bergen suhbattary jáne eli, otbasy men ómir jaily aitqan sózderi engizilgen. Sondai-aq, basylymǵa bala Denistiń fotosýretteri, túrli jarystar men is-sharalar kezinde jasalǵan estelik fotolar jinaqtalǵan.
Mádeniet jáne sport ministrliginiń bastamasymen shyǵarylyp otyrǵan kitaptan otandasymyz jaily álemdik jáne qazaqstandyq juldyzdardyń eske alý sózderin, sportshyǵa arnalǵan óleń joldaryn oqýǵa bolady.
