Qazaqstandyq mánerlep syrǵanaýshy Denis Ten Almatyda jasalǵan shabýyldan qaitys boldy, - dep habarlaidy "Ult aqparat".
Bul aqparatty Densaýlyq saqtaý ministrliginiń baspasóz hatshysy Ernar Ákimqulov rastady.
Denis Tenniń jaraqat alǵany týraly habarlama búgin saǵat 14.56-da jedel járdemge túsken. Ol ortalyq qalalyq klinikalyq aýrýhanaǵa jetkizilgen. Bastapqy diagnozy – oń jambastyń ústińgi bóliginen pyshaq jaraqatyn alǵan, tamyrlaryna zaqym kelgen, qan joǵaltqan.
Keiin qalalyq IID ókilderi Denis Tenge avtourylar shabýyl jasaǵanyn málimdedi. Denis Ten avtokóliginiń ainasyn urlamaqshy bolǵan eki belgisiz adamnyń ústinen túsipti. Oqiǵa Qurmanǵazy men Baiseiitova kósheleriniń qiylysynda bolǵan.
Atalǵan faktige qatysty tergeý júrip jatyr. Kúdiktilerdi anyqtaý jáne ustaý sharalary qolǵa alyndy. Almaty qalasy IID barlyq jeke quramy jumyldyrylǵan.
Denis Ten - QR eńbek sińirgen sport sheberi, 2014 jylǵy qysqy Olimpiada oiyndarynyń qola júldegeri.
