Almaty dárigerleri Denis Tenniń jaǵdaiy qandai ekendigin aityp berdi, dep habarlaidy "Ult aqparat" QazAqparat agenttigine silteme jasap.
Olardyń aitýynsha, Denis Ten aýrýhanaǵa óte aýyr jaǵdaida túsken.
«19 shilde kúni saǵat 14:56-de Jedel járdem stansasyna Denis Tendi pyshaqtap ketti degen habarlama tústi. Oqiǵa ornyna shuǵyl túrde dárigerler jetti. Patsient Ortalyq klinikalyq aýrýhanaǵa shuǵyl jetkizildi. Ol oń jaq sanynyń joǵarǵy tusynan jaraqat alǵan. San tamyrlary jaralanǵan», - dedi dárigerler.
Qazirgi tańda aýrýhanada osy derekke bailanysty túrli sala sala mamandarynyń konsiliým ótip jatyr.
«Shuǵyl túrde reanimatsiialyq sharalar júrgizildi. Osy baǵytta shuǵyl emdeý sharalary jalǵasyp jatyr. Ol 3 litr qan joǵaltqan», - dedi qalalyq Densaýlyq saqtaý basqarmasynyń baspasóz qyzmetinen.
Aita ketý kerek, Denis Ten búgin aýyr pyshaq jaraqatymen aýrýhanaǵa túsken bolatyn.
