ShQO-da «Denejnyi potok» qarjy piramidasyn uiymdastyrýshylar sottaldy, dep habarlaidy "Ult aqparat" Qarjylyq monitoring agenttigine silteme jasap.
Qarjy piramidasy – salymshylar kiristerdi jańa qatysýshylardyń jarnasy esebinen ǵana alatyn, qylmystyq jaza kózdelgen (QR QK 217-baby) investitsiialyq shema.
Aqsha aǵymy toqtaǵannan keiin, tólem de toqtatylady jáne shemaǵa qatysýshylardyń kópshiligi qarajatsyz qalady.
Tabys alýǵa kepildik berilgen jalǵyz adam – qarjy piramidasynyń uiymdastyrýshysy.
Tehnologiialardyń damýy jaǵdaiynda paida alý tásilderi de qatar damyp keledi.
Búgingi tańda qylmystyq shemalardy qurýdyń ártúrli marketingtik quraldary (messendjerler arqyly aqparat taratý, áleýmettik jelilerdegi jarnama jáne basqa) qoldanylady.
Shyǵys Qazaqstan oblysy boiynsha ekonomikalyq tergep-tekserý departamenti ainalymy 200 mln teńgeden asatyn «Denejnyi potok» qarjy piramidasynyń qyzmetin toqtatty.
Tergeý barysynda 2019-2020 jyldary ShQO-nyń eki turǵyny messendjer arqyly Reseidiń iri qurylys kompaniiasynyń qyzmeti túrinde alaiaqtyq shemany uiymdastyrǵany anyqtaldy.
Qarjy piramidasyn uiymdastyrýshylar eki ai ishinde jarna somasynyń 25% mólsherinde apta saiyn mol paida tabýǵa ýáde bergen.
Bul rette senip qalǵan salymshylar resmi shart jasaspaǵan, al aqsha aýdarymyn uiymdastyrýshylardyń kartasyna jibergen.
Qarjy piramidasyna 370-ten astam adam aldanyp, onyń tek 43-i organdarǵa júgindi.
Kináli tulǵalar 5 jylǵa bas bostandyǵynan aiyryldy.
