2021 jyldyń 1 qańtarynan dene shynyqtyrý muǵalimderiniń ailyǵyna jańa qosymsha aqy taǵaiyndaldy, dep habarlaidy "Ult aqparat".
Bul týraly QR Bilim jáne ǵylym ministri Ashat Aimaǵambetov málim etti.
«2021 jyldyń 1 qańtarynan bastap balabaqshalar, mektepter men kolledjderdegi dene shynyqtyrý muǵalimderiniń ailyǵyna jańa qosymsha aqy taǵaiyndaldy. Endi dene shynyqtyrý muǵalimderiniń eńbekaqysyna ai saiyn qosymsha 17 697 teńge tólenetin bolady. Osy rette dene shynyqtyrý muǵalimderiniń fýnktsionaly keńeiip otyr» dep jazdy ministr Facebook paraqshasynda.
Onyń atap ótýinshe, muǵalimder ádette ótkizetin dene shynyqtyrý sabaqtarynan bólek, qosymsha sporttyq-saýyqtyrý sabaqtaryn, iaǵni sektsiialar ótkizetin bolady.
Ár muǵalim qosymsha sektsiialyq sabaqtar ótkizedi, sáikesinshe balalar mekteptegi qajetti jabdyqtarynyń bolýyna bailanysty túrli sport sektsiialaryna qatysa alady.
«Balalardy sport sektsiialary arqyly qosymsha sabaqtarǵa tartý – salaýatty ómir saltyn qalyptastyrý, bilim alýshylardy sportqa baýlý jáne olardyń densaýlyǵyn nyǵaitý boiynsha berilgen Memleket basshysy Qasym-Jomart Toqaevtyń tapsyrmalarynyń sheńberinde basqa da keshendi sharalar qabyldanady»,- dedi Ashat Aimaǵambetov.
Esterińizge sala ketsek, Prezident tapsyrmasy aiasynda 2021 jyldyń 1 qańtarynan bastap pedagogterdiń jalaqysy taǵy 25 paiyzǵa ósti. Sonymen qatar biliktilik sanatyna qarai muǵalimder eńbekaqynyń 30-dan 50 paiyzǵa deiingi kólemin qosymsha ala alady. Pándi aǵylshyn tilinde júrgizgeni úshin, dápter teksergeni úshin, synyp jetekshiligi úshin de tólenedi. Munan bólek magistrlik dárejesi úshin 27 myń teńge kóleminde qosymsha tólem engizildi.
