Búgin Memleket basshysynyń tóraǵalyǵymen ótken Ulttyq qoǵamdyq senim keńesiniń ekinshi jiynynda Qasym-Jomart Kemelulynyń kelesi tezisteri erek oilandyryp, sanada qattaldy:
- Demokratiia - bul bilik úshin de, halyq úshin de úlken jaýapkershilik. Demokratiia damý hám jasampazdyq jolynda qyzmet etýi kerek, ol búlik pen bereketsizdikke jetkizip, shańyraǵymyzdy shaiqaltpaýy kerek.
- Qoǵam jańa saiasi ózgeristerdiń bolǵanyn talap etip otyr, biz ony anyq bilemiz. Óz isimizde biz damýdyń eń joǵarǵy maqsattaryn ustanamyz. Bul jerde jalǵan popýlizmge jol berilmegeni jón.
- «Ulttyq qoǵamdyq senim keńesi halyq aldyndaǵy jaýapkershilikti sezinip, el úmitin aqtaýy tiis. Reformalar tek reforma úshin jasalmaitynyn túsinýimiz kerek».
- «Biz tyń bastamalardy jan-jaqty oilastyryp, naqty nátijege qol jetkizýimiz qajet. Bul – óte mańyzdy.
Reformalardyń basty maqsaty – damý baǵytymyzdan aýytqymai, oǵan tyń serpin berý».
Prezident "qazaqstandyq patriotizm - maqsatymyz ben tilegimizdiń bir ekenin, sondai-aq taǵdyrymyzdyń ortaq ekenin kórsetý, eńbekke daiyn bolý, Otanymyzdyń gúldenýi jolynda talmai ter tógý. Qazaqstandyqtar óz tarih missiiasyn jumylyp atqarýy tiis, sol arqyly biz - bilik pen halyqtyń jasampaz dialog arqasynda qandai da shekaralardan qinalmai óte alatynyn kórsetemiz" dep, taiǵa tańba basqandai túsindirdi.
«Bilik memleketimizdiń damýyna, bolashaǵyna paidasy tietin kez kelgen oń ózgeristerge daiyn. Ulttyq keńes osyndai jumysta mańyzdy ról atqarýy kerek.
Ózderińiz kórip otyrsyzdar, bul jerde el men jer taǵdyryna qatysty asa mańyzdy, kúrdeli máseleler ashyq talqylandy. Keńeste kóterilgen túitkildi máseleler qoǵamda da qyzý pikirtalasqa túsip jatyr.
Munyń bári halqymyzdyń saiasi ári quqyqtyq mádenietiniń artqanyn aiqyn kórsetedi. Biraq, másele tek saiasatta ǵana emes. Kóp nárse adamdar arasynda, otbasynda, iaǵni kúndelikti ómirde ustanatyn qarapaiym qundylyqtarǵa bailanysty.
Shyndyǵyn aitqanda, búginde adamdar ainaladaǵy tolǵan agressiiadan, teketiresten sharshady. Sondyqtan, jaqsylyqty molaitýymyz kerek, izgi nietti bolýdy úirenýimiz kerek.
Meiirimdi, raqymdy, bekzat bolý – ornyqty damý men rýhani órleýdiń qozǵaýshy kúshi bolýy tiis. Osy arqyly biz ádil qoǵam men órkenietti memleket qura alamyz.
Maqsattarymyzǵa bir halyq bolyp, yntymaq pen kelisimniń arqasynda jetemiz dep senemin», - dep qorytyndylady Prezident.
Bul shyn máninde, kúndelikti jumysymyzda qoldanýǵa tiis óte tamasha jáne motivatsiiaǵa toly sózder.
Ásem Núsipovanyń feisbýktaǵy paraqshasynan
