Qazgidromet aldaǵy demalys kúnderge aýa-raiy boljamyn jariialady, dep habarlaidy "Ult aqparat".
4-6 jeltoqsanda atmosferalyq bólikterdiń ótýine bailanysty aýa raiy qubylmaly bolady dep boljanyp otyr. Qar jaýyp, kóktaiǵaq pen tuman bolady. Eldiń soltústiginde burqasyn kóteriledi.
Batysta aýa temperatýrasy túnde –5 gradýsqa deiin túsip, artynan +3-ke deiin joǵarylaidy. Kúndiz -3 pen +5-tiń aralyǵynda bolady. Al soltústik-batysta aýa temperatýrasy azdap tómendeidi, túnde 3-11 gradýs sýyq, kúndiz - 0-8 gradýs.
"Soltústikte de temperatýra tómendeidi. Túnde 10-18, kúndiz 5-13 gradýs aiaz bolady. Respýblikanyń shyǵysy men ortalyǵynda túnde -10-20 gradýs, kúndiz - 0-10 gradýs. Ońtústik pen ońtústik-shyǵysynda túnde -2 gradýs pen +7-niń arasynda bolady, al kúndiz 2-12 gradýs jyly", - deidi sinoptikter.
Iri qalalarda aýa-raiy qandai bolady?
Nur-Sultanda aldaǵy demalys kúnderi kúndiz 4-5 gradýs sýyq, túnde aýa temperatýrasy 11-13-ke deiin tómendeidi.
Almatyda kún jyly, túnde 0 gradýs, kúndiz +6-ǵa deiin jyly bolady.
Shymkent qalasynda termometr baǵanasy pliýstan tómen túspeidi. Túnde +4, kúndiz +10-ǵa deiin jylidy.
