Sinoptikter Qazaqstanda demalys jáne mereke kúnderindegi aýa raiyna boljam jasady, dep habarlaidy "Ult aqparat".
«Aldaǵy eki táýlikte sýyq arktikalyq aýa aǵyndary kún raiynyń salqyndaýyna yqpal etedi. Qazaqstannyń soltústik, ortalyq, shyǵys jáne ońtústik-shyǵys oblystarynda jańbyr, soltústik jáne ortalyq oblystarda qar aralas jańbyr jaýýy múmkin. Shyǵys jáne ońtústik-shyǵysta naizaǵai oinaidy», - delingen habarlamada.
Keiin antitsiklonnyń kelýine bailanysty jaýyn-shashyn toqtaidy. Antitsiklon Batys Sibirdiń ońtústigine aýysyp, respýblikanyń barlyq aýmaǵynda aýa temperatýrasy joǵarylaidy.
9 mamyrda kóptegen oblystarda kún jylynyp, jaýyn-shashyn bolmaidy. Tek Qazaqstannyń qiyr soltústik aýdandarynda 8-9 mamyrda jańbyr jaýýy yqtimal.
