Elordadaǵy Memlekettik qyzmet isteri agenttiginde 2020 jyldaǵy Ádep jónindegi komissiianyń birinshi otyrysy ótti, dep habarlaidy QazAqparat.
«Bul jerdegi negizgi másele - ádep komissiiasynyń jumysyn jandandyrý. Búgingi Ádep jónindegi komissiia otyrysynda birneshe másele qaralady. Birinshi másele konkýrstyq komissiianyń keibir erejeleriniń buzylýyna bailanysty bolmaq. Ekinshi másele memlekettik qyzmetshilerdiń jumys ýaqytyna, iaǵni segiz saǵattan asa jumysta bolýyna bailanysty. Oǵan memlekettik jaýapty qyzmetshilerdi shaqyrdyq. Bul Eńbek jáne halyqty áleýmettik qorǵaý ministrliginiń quziretindegi másele. Ár eńbek shartyn osy ministrlik qaraidy. Biz memlekettik qyzmetkerlerdiń quqyǵyn qorǵaý úshin atalǵan ministrlikpen memorandýmǵa qol qoiyp, sol arqyly jumys isteýdemiz. Segiz saǵattyq jumys ýaqytyn júieleli paidalaný máselelerin qarastyramyz», - Memlekettik qyzmet isteri agenttigi tóraǵasynyń orynbasary Darhan Jazyqbaev.
Ol ádep jónindegń komissiia otyrysy birinshi ret ótip otyrǵanyn aitty.
«Senbi kúni Nur-Sultan qalasyndaǵy ministrlikterde, tipti Premer-Ministrliginiń keńsesinde jumysqa shyǵyp jatqandardy kórýge bolady. Eger memlekettik qyzmetshi senbi, jeksenbi kúnderi jumysqa shyǵatyn bolsa - olarǵa qosymsha aqy tólenýi kerek nememe aldaǵy ýaqytta qosymsha demalys kúnderi berilýi kerek. Búgin osy máseleni qarap, buiryqtarǵa sáikes sheshim qabyldaimyz. Qajet bolǵan jaǵdaida basshylaryn ákimshilik nemese basqa da tártiptik jazaǵa tartylady», - deidi ol.
Otyrysqa ulttyq ekonomika, eńbek jáne halyqty áleýmettik qorǵaý, qarjy, tsifrlyq damý, innovatsiialar men aeroǵarysh ónerkásibi, indýstriia jáne infraqurylymdy damytý ministrlikteriniń jaýapty hatshylary men kadr qyzmetiniń basshylary qatysty.
