Qazgidromet RMK aldaǵy demalys kúnderine arnalǵan aýa raiy boljamyn jariia etti, dep habarlaidy "Ult aqparat".
Maýsymnyń ortasy bolsa da, respýblikamyzdyń soltústik jartysynda kún raiy salqyn. Bul oblystarda aldaǵy demalys kúnderinde naizaǵai oinap, jańbyr jaýady. Kúndizgi aýa temperatýrasy - pliýs 10...20 gradýs shamasynda.
Mundai aýa raiy Barents teńizi aimaǵynan Qazaqstanǵa úzdiksiz aǵylyp jatqan sýyq aýa massalar aǵynymen jáne sýyq arktikalyq frontpen bailanysty. Sondyqtan respýblikanyń basqa aimaqtarynda da osyndai turaqsyz aýa raiy kútiledi. Naizaǵai men jaýyn-shashyn bolady. Biraq munda kún jyly. Batys, ońtústik jáne ońtústik-shyǵysta jańbyrǵa qaramastan, kúndiz aýa temperatýrasy 25...33 gradýsqa deiin jylynady. Al Mańǵystaý oblysynda kún ashyq. Óńirde 30...39 gradýsqa deiin ystyq bolady.
