«Qazgidromet» RMK 20-22 shilde aralyǵyna arnalǵan aýa raiy boljamyn jariialady, dep habarlaidy "Ult aqparat".
Demalys kúnderi barikalyq óris qaita ózgeredi degen boljam bar. Sondyqtan Qazaqstannyń soltústik oblystaryna atmosferalyq fronttarmen birge Oral aimaǵynan salqyn jáne ylǵaldy aýa túse bastaidy.
Atmosferalyq fronttar ońtústik-shyǵys baǵytta baiaý jylji otyryp, óz jolynda qysqa merzimdi jaýyn-shashyn, naizaǵai, daýyl, burshaq ala keledi. Kúnniń jylýy álsireidi.
Biraq respýblikanyń ońtústik oblystarynda kún áli de ystyq bop, aýa temperatýrasy burynǵysynsha - 38...45°S qalpynda saqtalady.
Aita keteiik, 17-19 shildede Qazgidromet Túrkistan jáne Qyzylorda oblystarynda, sondai-aq Shymkentte dabyldy eskertý jariialaǵan bolatyn.
Túrkistan oblysynyń basym aýmaǵynda kún 43 gradýsqa, kei jerlerde 45 gradýsqa deiin ysydy. Al Shymkentte +40-42 gradýs aptap ystyq boldy.
Sońǵy úsh kúnde Qyzylorda oblysynda da 40-45 gradýs ystyq boldy.
