20-22 qyrkúiek kúnderi Qazaqstannyń ońtústigi men shyǵysynda kún ystyq bolady, dep habarlaidy "Ult aqparat" Qazgidrometke silteme jasap.
Atmosferalyq shepterden turatyn barikalyq jyra Qazaqstannyń batys bóligine yǵysyp, respýblikanyń batys jáne soltústik-batys aimaqtarynda aýa raiynyń bultty, jaýyn-shashyndy bolýyna jáne aýa temperatýrasynyń tómendeýine ákeledi. Jeksenbi kúni aýa aǵyndary soltústik, ortalyq jáne ońtústik oblystarǵa, al dúisenbide ońtústik-shyǵys jáne shyǵys óńirlerge jetedi. Osyǵan bailanysty, atalǵan aimaqtarda da jańbyr jaýyp, aýa temperatýrasy tómendei bastaidy.
Sinoptikterdiń aitýynsha, demalys kúnderi áli de jyly bolady, al ońtústik, ońtústik-shyǵys, shyǵys jáne ortalyq aimaqtarda aýa temperatýrasy 30…38°S-qa deiin kóterilip, klimattyq normadan 4…8°S joǵary bolady.
