«Qazgidromet» RMK 24-26 tamyz aralyǵyndaǵy aýa raiy boljamyn usyndy, dep habarlaidy "Ult aqparat".
Reseidiń Eýropalyq bóliginiń soltústik aýdandarynan Qazaqstanǵa atmosferalyq fronttarmen tsiklon jyljyp keledi. Onyń áserinen eldiń batys oblystarynda naizaǵai oinap, jańbyr jaýady. Sondai-aq, kópten kútken ystyqtyń basylýy kútiledi. Kúndizgi aýa temperatýrasy buǵan deiingi 35…40°S-tan keiin 20…30°S-qa tómendeidi.
Sonymen qatar respýblikanyń soltústik jáne soltústik-batys aýdandarynyń kei jerlerinde naizaǵai oinap, jańbyr jaýady, jel kúsheiýi múmkin.
Qazaqstannyń ońtústik-batysynyń jekelegen aýmaqtarynda ótkinshi jańbyr, naizaǵai boljanady.
Respýblikanyń ózge aimaqtarynda demalys kúnderi jaýyn-shashyn kútilmeidi.
Al ortalyq pen shyǵysta aýa temperatýrasy kúndiz 25…35°S-qa deiin kóterilýi yqtimal.
