Sinoptikter aldaǵy demalys kúnderine aýa raiy boljamyn usyndy, dep habarlaidy "Ult aqparat".
Qazaqstanǵa Batys Sibirdiń soltústik aimaǵynan sýyq ári ylǵaldy aýa massasy qaita keledi. Budan bólek, aldaǵy kúnderi respýblikanyń ońtústik jáne ortalyq óńirlerine Irannan keletin ystyq aýa massasy áser etedi, sol sebepti Qazaqstan arqyly ótetin atmosferalyq fronttar ózara shielenisedi.
Osy qubylystardyń saldarynan demalys kúnderi elimizdiń basym bóliginde naizaǵai oinap, jańbyr jaýady, qatty jel soǵyp, kei jerlerde burshaq jaýady jáne kún sýytady.
Batys óńirlerde ǵana antitsiklonnyń áserinen kún ashylyp, aýa raiy jaýyn-shashynsyz ári ystyq bolady. Eń joǵary aýa temperatýrasy pliýs 32-37°S, kei jerlerde 40-43°S-qa jetedi.
