«Qazgidromet» RMK aldaǵy úsh kúnge arnalǵan aýa raiy boljamyn jariialady, dep habarlaidy "Ult Aqparat".
«Respýblikanyń kóptegen aimaǵy antitsiklonnyń yqpalynda bolady. Biraq dúisenbide Reseidiń eýropalyq bóliginen jaýyn-shashyndy aýa aǵyndarynyń jyljýyna bailanysty soltústik oblystarda qar jaýyp, boran soǵady, ońtústikte jańbyr jaýady. Batys oblystarda, kerisinshe, demalys kúnderi qar aralas jańbyr jaýyp, dúisenbi jaýyn-shashynsyz bolady. 17 naýryzda Qostanai oblysynda jel 15-20 m/s jyldamdyqpen soǵyp, jaiaý burqasyn bolady», - delingen habarlamada.
