Eldi mekenderdiń syrtyndaǵy toptyq sý qubyrlaryn salý men rekonstrýktsiialaýǵa biryńǵai operator jaýap beredi dep josparlanýda, ol tapsyrys berýshi ári paidalanýshy uiym bolady. Biryńǵai operatordy qurý nysandardy sapaly salýǵa yqpal etedi jáne biýdjet qarajattaryn tiimdi paidalanýǵa jol ashady. Bul týraly QR Úkimetiniń alańynda ótken baspasóz konferentsiiasynda QR aýyl sharýashylyǵy vitse-ministri Erlan Nysanbaev habarlady.
Biryńǵai operator «Qazsýshar» RMK bazasynda qurylady, oǵan aýyldarda ishki aýyldyq jelilermen toptyq sý qubyrlaryn paidalaný fýnktsiialary júkteledi. Qyzmetter sý kózinen túpkilikti tutynýshyǵa deiin usynylady, bul táýlik boiy ári úzdiksiz sýmen jabdyqtaýdy qamtamasyz etedi.
«Bul shyǵyndardy azaitýǵa múmkindik beredi, sondai-aq, biryńǵai operator jobalaýmen ainalysatyn bolady. Biz sapaly jobalar alamyz. Adam resýrstary, materialdyq-tehnikalyq turǵydan múmkindik bolǵan jaǵdaida biz biýdjet qarajattaryn aitarlyqtai qysqarta alamyz. Deldaldardy shekteýdiń artyqshylyǵy mol», — dedi E. Nysanbaev.
Onyń aitýynsha, búginde tariftiń sýbsidiialanatyn bóligi eldi mekenniń shekarasyna deiin jumys isteidi, odan ári qun qosatyn deldal paida bolady. Endi tutynýshyǵa deiin biryńǵai tarif ornatylady. Qyzmet toptyq sý qubyrlarynan sýbsidiialanǵan tarif boiynsha sý satyp alyp, halyqqa qosylǵan qunmen satatyn deldaldardy shektep, sýmen jabdyqtaý kózinen túpkilikti tutynýshyǵa deiin jetkiziletin bolady.
Aita ketý kerek, búginde 6499 eldi mekenniń 546-sy «Qazsýshar» RMK toptyq sý qubyrlarynan aýyz sýmen qamtamasyz etilgen, qalǵan aýyldyq eldi mekender kommýnaldyq nemese basqa da menshik túrindegi toptyq jáne jergilikti sýmen jabdyqtaý jelilerinen qamtamasyz etilgen.
2011–2018 jyldary halyq sany 553 myń adamdy quraityn 268 aýyldyq eldi mekende sýmen jabdyqtaý jaǵdaiy jaqsartyldy. Jalpy, toptyq sý qubyrlarynda jelilerdiń tozýy 75%-dan 56%-ǵa deiin qysqardy.
