Jeke tulǵanyń aktivteri men mindettemeleri týraly deklaratsiiasyn tapsyrý merziminiń aiaqtalýyna nebári 7 kún qaldy. Elektrondy túrde deklaratsiiany aǵymdaǵy jyldyń 15 qyrkúieginen keshiktirmei tapsyrý qajet.
Bul týraly QR QM Memlekettik kirister komiteti eske saldy.
2021 jyldyń 1 qańtarynan bastap elimizde jalpyǵa birdei deklaratsiiany engizýdiń birinshi kezeńi bastalǵan bolatyn. Jalpyǵa birdei deklaratsiialaýdy engizý tórt kezeńmen júrgiziledi.
«Birinshi kezeńde (2021 jyldyń 1 qańtarynan bastap) aktivter men mindettemeler týraly deklaratsiiany usyný boiynsha mindettemeler (250.00-nysan) jaýapty memlekettik laýazymdy atqaratyn adamdar men olardyń jubailary (zaiyptary); memlekettik fýnktsiialardy oryndaýǵa ýákilettik berilgen adamdar men olardyń jubailary (zaiyptary); memlekettik fýnktsiialardy oryndaýǵa ýákilettik berilgen adamdarǵa teńestirilgen adamdar men olardyń jubailary (zaiyptary); Qazaqstan Respýblikasynyń «Qazaqstan Respýblikasyndaǵy sailaý týraly» Konstitýtsiialyq Zańyna jáne Qazaqstan Respýblikasynyń «Sybailas jemqorlyqqa qarsy is-qimyl týraly», «Qazaqstan Respýblikasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar naryǵy týraly» Zańdaryna sáikes deklaratsiia tabys etý mindeti júktelgen tulǵalarda týyndady», - dep habarlady MKK-de.
Jalpyǵa birdei deklaratsiialaýdyń birinshi kezeńiniń deklaratsiiasyn qaǵaz túrinde usyný merzimi 2021 jylǵy 15 shildede aiaqtalǵan bolsa, elektrondy túrde 2021 jylǵy 15 qyrkúieginde aiaqtalady.
Aktivter men mindettemeler týraly deklaratsiiany elektrondy túrde Salyq tóleýshiniń kabineti (cabinet.salyk.kz), «Elektrondy úkimet» portaly (egov.kz) arqyly, sondai-aq «e-Salyq Azamat» jáne «eGov mobile» mobildi qosymshalary arqyly tapsyrýǵa jaǵdai jasalǵan.
«Aktivterdi deklaratsiialaýǵa qatysty suraqtar týyndaǵan jaǵdaida memlekettik kirister organdaryna nemese 1414 nómiri boiynsha, qosymsha 3 nómirin tere otyryp, bailanys ortalyǵyna habarlasýǵa bolady», - dep atap ótti MKK-de.
Sondai-aq, QR QM Memlekettik kirister komitetiniń resmi saitynda (kgd.gov.kz) «Jalpyǵa birdei deklaratsiialaý» bóliminde tolyq aqparatty alýǵa bolady.
Aktivter men mindettemeler týraly deklaratsiiany belgilengen merzimde usynbaǵan jaǵdaida, ákimshilik jaýapkershilik kózdelgen. Birinshi ret ýaqytyly tapsyrylmaǵany úshin eskertý jasalady, eger osydan keiin buzýshylyq bir jyl ishinde qaitalap jasalsa – 15 AEK mólsherinde aiyppul salynady.
Aktivter men mindettemeler týraly deklaratsiiada tolyq emes, anyq emes málimetterdi usyný úshin de ákimshilik jaýapkershilik qarastyrylǵan. Eger atalǵan buzýshylyq birinshi ret jasalyp, salyqtardyń eseptelýine ákep soqpasa, onda eskertý jasalady. Al eger osyndai buzýshylyq eskertý jasalǵannan keiin bir jyl ishinde qaitalansa, onda 3 AEK mólsherinde aiyppul salynady.
