Koronavirýstyń eń kóp taraǵan «delta» shtamyn juqtyrǵan elder men aýmaqtar sany 6-13 shilde aralyǵynda 6-ǵa ósip, 111-ge jetti. Bul týraly Dúniejúzilik densaýlyq saqtaý uiymy málim etti, dep habarlaidy TASS agenttigi.
DDU-nyń aptalyq epidemiologiialyq biýlleteninde jazylǵandai, «alańdaýshylyq týdyratyn nusqalar» sanatyna jatqyzylǵan tórt shtammdy («alfa», «beta», «gamma» jáne «delta») juqtyrý kórsetkishi joǵary.
«Delta nusqasy sońǵy eki aida DDU-nyń barlyq alty aimaǵyndaǵy kem degende 111 elde tabyldy, ol osy ýaqytqa deiin anyqtalǵan alańdaýshylyq týdyrǵan basqa nusqalarǵa qaraǵanda juqpalylyǵy joǵary. Bul atalǵan shtammnyń aldaǵy ailarda álemde «basty» nusqaǵa ainalýy múmkin ekenin bildiredi, - delingen uiymnyń epidemiologiialyq biýlleteninde.
Bir apta buryn 6 shildedegi jaǵdai boiynsha delta shtammy 104 memleket pen aýmaqqa taralǵan edi. Al odan bir apta buryn taralǵan elder men aýmaqtar sany 96 bolatyn.
DDU epidemiologiialyq biýlletende 196 el men aýmaqta koronavirýs shtamdarynyń taralýy týraly málimetterdi jariialady. Atalǵan málimetterden «delta» planetanyń kóp bóliginde taralǵany belgili boldy.
Atap aitqanda, Úndistannan basqa, Reseide, Ulybritaniiada, Germaniiada, Grekiiada, Ispaniiada, Túrkiiada, Frantsiiada, Indoneziiada, Tailandta, Japoniiada, Izrailde, Braziliiada, AQSh-ta jáne Ońtústik Afrikada anyqtaldy.
Sondai-aq, onyń Qytaida da bolýy múmkin ekendigi týraly aqparat bar, alaida epidemiologiialyq biýlletenge sáikes, bul aqparatty «DDSU resmi emes kózderden alǵan jáne ári qarai taldanatyn bolady».
Uiymda qazirgi ýaqytta Islandiiada, Egipette, Chernogoriiada, Kýbada, sondai-aq basqa da memleketter men aýmaqtarda delta nusqasynyń bar ekendigi týraly málimetter joq. Olardyń jalpy sany – 85.
