Dúniejúzilik densaýlyq saqtaý uiymynyń basshysy Tedros Adhanom Gebreiesýs koronavirýsqa bailanysty jaǵdai ýshyǵa túskenin málimdedi.
"Biz densaýlyq saqtaý salasyndaǵy tótenshe jaǵdai kezinde adamdardy qorǵaýǵa mán berip otyrmyz. Alaida COVID-19 pandemiiasy tótenshe jaǵdai sheńberinen shyǵyp ketti", — dedi ol Dúniejúzilik densaýlyq saqtaý assambleiasynyń 73-shi sessiiasynda.
Uiym basshysy pandemiia ózge infektsiialyq aýrýlarmen kúresý jumysyna keri áserin tigizip jatqanyn aitty, dep habarlaidy RIA Novosti.
Sondai-aq, Gebreiesýs COVID-19-qa qarsy vaktsinany "jeke shikizattyq taýar emes, jahandyq igilik" retinde qarastyrý kerek dep otyr.
Pandemiia álemdi jailap ketti. 50 million adam indet juqtyryp, 1,2 million adam qaitys boldy. Álem boiynsha AQSh, Úndistan jáne Braziliiada tirkelgen naýqas sany kóp.
