Dúniejúzilik densaýlyq saqtaý uiymynyń joǵary laýazymdy sheneýnigi Túrkimenstanǵa bardy. Túrkimen úkimeti elde koronavirýs baryn moiyndamai keledi, dep habarlaidy Azattyq.
Túrkimenstan SIM málimetinshe, vedomstvo basshysy Rashid Meredov DDSU-nyń Eýropadaǵy biýro jetekshisi Hans Kliýgemen "konstrýktivti" kelissóz ótkizgen. Kezdesý 7 qazanda Ashǵabatta bolǵan.
Azattyqtyń Túrkimen qyzmetiniń habarlaýynsha, elde aýrýhanalar koronavirýs belgileri bar naýqastarǵa tolǵan. Kliýge sapary osy shaqpen tuspa-tus kelip otyr.
Túrkimen biligi koronavirýs joǵyn aitqanmen aimaqtarda qatań shekteý sharalary engizilgen. Koronavirýs belgileri baiqalǵan naýqastar kóbeigen.
6 qazanda birneshe úkimettik emes uiym ashyq hat jariialap, Kliýgeni Túrkimenstandaǵy koronavirýs jaǵdaiyna bailanysty resmi pozitsiiasyn búkpesiz aitýǵa shaqyrdy.
Túrkimen Helsinki qory, Túrkimenstan demokratiialyq azamattyq odaǵy, Túrkimenstannyń táýelsiz zańgerler qaýymdastyǵy, Adam quqyǵy jónindegi Túrkimen bastamasy men Turkmenistan.News basylymynyń dereginshe, elde koronavirýsqa bailanysty epidemiologiialyq ahýal qatty nasharlaǵan.
