Dúniejúzilik densaýlyq saqtaý uiymy (DDSU) 2022 jyldyń naýryzyna deiin koronavirýs indeti Eýropada taǵy 700 myńnan astam adamnyń ólimine sebep bolýy múmkin dep qaýiptenedi. Qazir aimaqta indet qaita órshigen.
Indet bastalǵaly beri Eýropanyń 53 elinde koronavirýstan 1,5 mln adam qaitys bolǵan. Osy qysta bul kórsetkish 2,2 mln adamǵa jetýi múmkin. 23 qarashada atalǵan uiym ókilderi osylai dep málimdedi.
Kóktemge deiin 53 eldiń 49-ynda reanimatsiia bólimderine shamadan tys salmaq túsýi yqtimal. DDSU Eýropa aimaǵyna Resei men burynǵy sovet respýblikalaryn, Túrkiiany kirgizedi.
Halyqaralyq uiymnyń aitýynsha, vaktsina almaǵan azamattar úlesiniń kóptigi jáne vaktsinanyń infektsiiaǵa tótep berý qýatynyń álsireýi, jeńil aýyrý – Eýropada indettiń órshýine yqpal etken negizgi faktorlar retinde qarastyrylyp otyr.
Sarapshylardyń aitýynsha, tez juǵatyn delta shtamm men sanitariia sharalarynyń jumsarýy da virýstyń taralýyna áser etken. Eýroodaqta halyqtyń 67,7 paiyzy koronavirýsqa qarsy vaktsinanyń tolyq dozasyn alǵan. Degenmen aimaqta vaktsinalaý naýqany túrli deńgeide. Eýropanyń shyǵysynda vaktsinalaý naýqany baiaý júrip jatyr.
