Dúniejúzilik densaýlyq saqtaý uiymynyń (DDSU) basshysy Tedros Adhanom Gebreiesýs koronavirýstyń jańa tolqyny bolýy múmkin ekenin málimdedi.
Eýropa elderi shekarasyn ashyp jatyr, al Qytai astanasynda koronavirýs tirkelgen birqatar aýdan jabyldy. Álemde COVID-19 virýsyn segiz millionnan astam adam juqtyrǵany anyqtalǵan, 436 myń adam qaitys bolǵan. Gebreiesýstiń málimdeýinshe, bir táýlikte 100 myń adam virýs juqtyrǵany anyqtala bastady. Virýs Aziia men Amerikada keń tarap barady.
16 maýsymda Qytai turǵyndardy jappai tekserýdi qaitadan qolǵa aldy, Pekinde birneshe aýdan karantinge jabyldy. Qytai astanasynda elý kúnnen beri virýs tirkelmegen edi. Qytai biligi indettiń ekinshi tolqynynan qaýiptenip otyr. Ótken jyly qytai biligi álemdegi eń qatań karantin qoldaný arqyly qaterli indettiń betin qaitarǵan. 15 maýsymda Eýropada kóptegen el úsh aiǵa sozylǵan karantinnen soń shekarasyn ashty.
