دٷنيەجٷزٸلٸك دەنساۋلىق ساقتاۋ ۇيىمىنىڭ (ددسۇ) باسشىسى تەدروس ادحانوم گەبرەيەسۋس كوروناۆيرۋستىڭ جاڭا تولقىنى بولۋى مٷمكٸن ەكەنٸن مەلٸمدەدٸ.
ەۋروپا ەلدەرٸ شەكاراسىن اشىپ جاتىر, ال قىتاي استاناسىندا كوروناۆيرۋس تٸركەلگەن بٸرقاتار اۋدان جابىلدى. ەلەمدە COVID-19 ۆيرۋسىن سەگٸز ميلليوننان استام ادام جۇقتىرعانى انىقتالعان, 436 مىڭ ادام قايتىس بولعان. گەبرەيەسۋستٸڭ مەلٸمدەۋٸنشە, بٸر تەۋلٸكتە 100 مىڭ ادام ۆيرۋس جۇقتىرعانى انىقتالا باستادى. ۆيرۋس ازييا مەن امەريكادا كەڭ تاراپ بارادى.
16 ماۋسىمدا قىتاي تۇرعىنداردى جاپپاي تەكسەرۋدٸ قايتادان قولعا الدى, پەكيندە بٸرنەشە اۋدان كارانتينگە جابىلدى. قىتاي استاناسىندا ەلۋ كٷننەن بەرٸ ۆيرۋس تٸركەلمەگەن ەدٸ. قىتاي بيلٸگٸ ٸندەتتٸڭ ەكٸنشٸ تولقىنىنان قاۋٸپتەنٸپ وتىر. ٶتكەن جىلى قىتاي بيلٸگٸ ەلەمدەگٸ ەڭ قاتاڭ كارانتين قولدانۋ ارقىلى قاتەرلٸ ٸندەتتٸڭ بەتٸن قايتارعان. 15 ماۋسىمدا ەۋروپادا كٶپتەگەن ەل ٷش ايعا سوزىلعان كارانتيننەن سوڭ شەكاراسىن اشتى.
