Dúniejúzilik densaýlyq saqtaý uiymy koronavirýs epidemiiasyna bailanysty tarap jatqan jalǵan aqparatpen kúresetin jahandyq naýqandy bastady, dep habarlaidy euronews.com.
DDSU aýrý týraly feik jańalyqtardyń taralýyn boldyrmaý úshin iri áleýmettik jelilermen seriktestik ornatatynyn málimdedi.
Kóptegen elder virýspen kúresip jatyr, biraq oǵan jahandyq bailanys men aqparat almasý jetispeidi.
Zertteý nátijeleri jańa shtamnyń mýtatsiia nátijesinde adamǵa janýardan juqqanyn kórsetti.
«Koronavirýs adamǵa jarqanattan juqty. Adamda birden epidemiia týyndady. Ol jarqanattan qalai berildi? Bul úlken genomnyń bóligindegi bir proteindegi jalǵyz ózgeris, bir ǵana mýtatsiia arqyly boldy», - dedi epidemiolog Massimo Chikkotstsi.
Soǵan qaramastan koronavirýstyń adamnan adamǵa juǵý jyldamdyǵy salystyrmaly túrde joǵary emes. Dárigerlerdiń pikirinshe der kezinde qajetti sharalardy júzege asyrsa epidemiianyń Eýropa bóliginde taralmaýyna múmkindik bar.
Eske sala ketsek, ótken aptada Dúniejúzilik densaýlyq saqtaý uiymy koronavirýstyń taralýyn jahandyq tótenshe jaǵdai dep jariialady.
