DDSU-nyń Qazaqstandaǵy ókildiginiń basshysy Kerolain Klarinval COVID-19 indetine qatysty Qazaqstannyń jańa klassifikatsiiany paidalanýy týraly sheshimin joǵary baǵalaitynyn aitty, dep habarlaidy QazAqparat.
«Qazaqstanda keshendi sharalardy júzege asyrý qadamdary koronavirýsqa qatysty jaǵdaidyń birtindep turaqtanýyna yqpal etti. Bul óz kezeginde azamattyq qoǵamnyń, densaýlyq saqtaý qyzmetkerleriniń jáne Úkimettiń birlesken kúsh-jigerin talap etti. Aleksei Tsoi (QR Densaýlyq saqtaý ministri) atap ótkendei, biz qyraǵylyqty saqtaýymyz kerek. Búginde COVID-19-ǵa DDSU-nyń jańa klassifikatsiiasyn paidalaný jóninde Qazaqstannyń sheshimin joǵary baǵalaimyz. Bul - óz kezeginde álem boiynsha málimetterdi jinaýdy standarttaý úshin óte mańyzdy qadam», - dedi Kerolain Klarinval .
Onyń sózine qaraǵanda, qaita saralaý protsesi COVID-19 jaǵdaiynyń artýyn kórsetýi múmkin. Alaida, qaita saralaý epidemiologiialyq protsesti jaqsy túsinýge múmkindik beredi. Sáikesinshe, resýrstardy tiimdi bólýge, sondai-aq ulttyq ári jergilikti deńgeide qajetti sharalardy josparlaýǵa yqpal etedi.
«DDSU Qazaqstannyń aqparat almasýda tanytqan ashyqtyǵyn qoldaidy. Virýs áli de halyq arasynda taralýda. Tek ortaq kúsh-jigermen osy pandemiiany eńsere alamyz. Ár adamnyń qosqan úlesi óte mańyzdy. Dúniejúzilik densaýlyq saqtaý uiymy Úkimetpen jáne Densaýlyq saqtaý ministrligimen jumysty jalǵastyrady», - dedi doktor Kerolain Klarinval.
