Dúniejúzilik densaýlyq saqtaý uiymy sońǵy 24 saǵatta 300 myńǵa jýyq koronavirýs juqtyrý deregin tirkedi. Bul - pandemiia bastalǵannan bergi bir táýlik boiynsha rekord kórsetkish, dep habarlaidy dw.com agenttigi.
DDSU rekordtyq kórsetkish týraly 15 tamyzda senbi kúni keshke málim etti.
Sarapshylardyń málimeti boiynsha, virýstyń juǵýyna qatysty kórsetkishtiń kóp bóligi statistikaǵa enbei qalady. Óitkeni virýsty anyqtaityn test jasamaityn memleketter de bar.
DDSU málimeti boiynsha, 24 saǵat ishinde 294 myń adam koronavirýs juqtyrǵan. Bul 31 shildedegi aldyńǵy rekordtan 2 myńǵa artyq. Juqtyrý deregi kóp tirkelgen elder qatarynda AQSh, Braziliia, Úndistan bar.
Indet bastalǵannan beri 21 millionnan astam adam koronavirýs juqtyrǵan. Indetten 755 myńnan astam adam ólgen.
