Ótken aptada álemde 10 millionnan astam adam koronavirýs infektsiiasyn juqtyryp, 45 myńnan astam naýqas qaitys bolǵan, dep habarlaidy QazAqparat.
Bul kórsetkishti aldyńǵy aptamen salystyrǵanda, kóz jumǵandar sany 43 % ósip, infektsiianyń 14 % azaiǵanyn ańǵarýǵa bolady.
Dúniejúzilik densaýlyq saqtaý uiymynyń aptalyq biýlleteninde aitylǵandai, 21-27 naýryz aralyǵynda COVID-19 juqtyrǵandar sany aldyńǵy aptamen salystyrǵanda 14 % tómendedi. Alaida dál osy kezeńde ólim sany 43 % artty. Bul Amerika óńiriniń keibir elderinde (Chili jáne AQSh) COVID-19 ólimin anyqtaýdaǵy ózgeristerge jáne Úndistan men Ońtústik-Shyǵys Aziia óńirinen alynǵan derekterdi retrospektivti túzetýge bailanysty bolyp otyr.
«Bir apta ishinde DDSU-ǵa 10 805 132 adamnyń infektsiia juqtyrǵany týraly habarlama tústi. 45 711 ólim deregi tirkeldi. Ótken aptamen salystyrǵanda aýrý juqtyrǵandar sany alty óńirde azaiǵan. Ásirese, Shyǵys Jerorta teńizin, Afrika men Batys Tynyq muhity óńirin atap ótý kerek. Eýropada 4 % tómendegen. Amerika men Ońtústik-Shyǵys Aziiada kóz jumǵandar sany artty», - delingen biýlletende.
