COVID-19 koronavirýs infektsiiasyny aldaǵy ýaqytta baqylaýǵa alynatynyn shamalaýǵa negiz bar. Bul týraly Dúniejúzilik densaýlyq saqtaý uiymynyń basshysy (DDSU) Tedros Gebreiesýs málimdedi, dep habarlaidy "Ult aqparat".
«Bizde pandemiiany birneshe aidyń ishinde baqylaýǵa alý úshin arnaiy quraldar bar. Ol úshin biz bulardy ret retimen qoldana bilýimiz qajet», - degen Gebreiesýstiń sózderin keltirdi DDSU saity.
Sonymen birge, mamannyń aitýynsha, búkil álemde COVID-19 virýsynyń 25-59 jas aralyǵyndaǵy adamdar arasynda taralýynyń «qaýipti qarqyny» alańdaýshylyq týdyryp otyr.
19 sáýirde Gebreiesýs álemde koronavirýs infektsiiasyna shaldyǵý qarqyny segizinshi apta qatarynan ósip jatqanyn málim etti. Onyń aitýynsha, osy ýaqyt aralyǵynda uiymǵa SARS-CoV-2 virýsyn juqtyrýdyń 5,2 mln oqiǵasy týraly habarlama kelgen. COVID-19 virýsyna shaldyqqan patsientter arasyndaǵy ólim-jitim besinshi apta qatarynan ósip keledi.
