DAZN strimingtik platformasy qazaqstandyq boksshy Gennadii Golovkin (39-1-1, 35 KO) men ýkrainalyq Sergei Derevianchenkonyń (13-1, 10 KO), jekpe-jegi jaiynda habar taratty, dep habarlaidy "Ult aqparat" Sports.kz-ke silteme jasap.
Atalmysh kezdesý 5 qazanda Niý-Iorktegi (AQSh) Madison Square Garden arenasynda ótedi. Jekpe-jek DAZN platformasynan taratylady. Qarsylastar bos turǵan IBF nusqasy boiynsha ortasha salmaqtaǵy álem chempiony titýlyna talasatyn bolady.
«Big Drama Show qaita oraldy! Golovkin-Derevianchenko», - dep jazady DAZN.
Eske sala keteiik, Golovkin naýryz aiynda DAZN-men alty aiqasty qamtityn kelisimshart jasasqan edi. Qazaqstandyq boksshy olardy úsh jyldyń kóleminde ótkizýi tiis. GGG-diń seriktestik úshin gonorary 100 mln dollardan astam somaǵa baǵalanady.
Eske salaiyq, Gennadii alǵashqy jekpe-jegin 8 maýsymda ótkizip, tórtinshi raýndta kanadalyq Stiv Rollsty nokaýtqa túsirdi.
