Foto: t.me/mazhilis_kz
Májilis depýtaty Jigýli Dairabaev óziniń tóńireginde nelikten keleńsizdikter kóp bolyp ketkenin túsindirdi, - dep habarlaidy Tengrinews.kz saity.
Májilistiń jalpy otyrysynda jýrnalister depýtattan sońǵy ýaqytta jyljymaityn múlikke qatysty zańsyz áreketterge qatysty taǵylǵan aiyptar týraly surady.
"Merken aýdanynda jeke meniń menshigimde bir metr jer joq, ol kezde jaldamaly jumysshy bolyp jumys istedik. Jumys barysynda tiianaqtylyq pen uqyptylyq kórsettim. Men jumys istep júrgen kezderi, iaǵni 2000 jyldardyń basynda aýyldaǵy kóptegen jerler igerilmegen edi. Keiin kóptegen azamattar kompaniiaǵa óz jerlerin berdi, biz bul jerlerge dándi daqyldar, júgeri jáne qyzylsha ektik. Keiin aýyl azamattarynyń kópshiligi sol jerde jumys istedi. Kompaniiada 350-500 jumys orny quryldy. Kompaniia jańa tehnologiiamen, jańa jabdyqtarmen qamtamasyz etilgen edi. Men bul kompaniiaǵa kelgenge deiin meniń ornymda osy ispen 4-5 adam ainalysqan", - dedi ol jýrnalisterdiń suraqtaryna jaýap bere otyryp.
Sonymen qatar Dairabaev sońǵy kezderi ózine taǵylǵan aiyptardyń nelikten jiilep ketkenin túsindirdi.
"Munyń bári men depýtat bolǵannan keiin bolyp otyr. Bári menen aqsha alý maqsatynda uiymdastyryp jatqan siiaqty, biraq mende artyq bailyq joq. Sondyqtan bul ispen quzyrly organ ainalysýy kerek dep oilaimyn", - dep jaýap berdi depýtat.
