Vitebskide ótip jatqan "Slavian bazary" halyqaralyq óner festivalinde el namysyn diapazony bes oktavaǵa jetetin qazaqstandyq ánshi Rýhiia Baidúkenova qorǵaidy, - dep habarlaidy Tengrinews.kz.
Birinshi baiqaý kúninen keiin ánshi 70-ten 69 upai jinady. Qazylar alqasynyń barlyq múshesi qazaqstandyq ónerpazǵa 10 upaidan berdi, tek Resei ókili Sergei Penkin 9 upai qoidy. Aita keteiik, biyl qazylar alqasynyń músheleri arasynda tanymal oryndaýshy Dimash Qudaibergen bar, ol 2015 jyly "Slavian bazarynyń" bas júldesin jeńip alǵan.
18 shildede konkýrstyń ekinshi kúni ótedi, osydan keiin jeńimpaz belgili bolady.
22 jastaǵy Rýhiia Baidúkenova Taldyqorǵanda dúniege kelgen, vokalmen bala kezinen ainalysady. Onyń talanty mektepte baiqalyp, keiin óner mektebine oqýǵa jiberilgen. Qazir boijetken Qazaq ulttyq óner ýniversitetiniń "Estradalyq vokal" mamandyǵynda úshinshi kýrsta oqidy.
Rýhiia "Aq kógershin" (2010 jyl, II oryn), "Boztorǵai" (2011, I oryn) syndy kóptegen baiqaý laýreaty jáne diplomanty, sonymen qatar ol "Jas qanat" respýblikalyq jas oryndaýshylar baiqaýynyń finalisi.
Qazir Rýhiia vokal pániniń muǵalimi jáne "Egiz lebiz" baǵdarlamasynyń mýzykalyq redaktory bolyp jumys isteidi. Repertýarynda ár túrli janrdaǵy ánder bar. Oryndaýshy qazaq halyq ánderimen qatar, álemge áigili hitterdi de shyrqaidy.
