Jirinovskiidiń Qazaqstan týraly málimdemelerine mán berip qaraýdyń qajeti joq. «Ashyq dialog 2» suhbatynyń kezekti sanynda QR Prezident ákimshiligi basshysynyń birinshi orynbasary Dáýren Abaev osyndai oi aitty, dep habarlaidy QazAqparat.
«Bilesiz be, bizge Jirinovskiidiń Qazaqstan týraly málimdemelerine baiaǵydan mán berip qaramaý kerek dep oilaimyn. Bul jerde eshqandai saiasat joq, bastan-aiaq shoý ǵana», - degen Dáýren Abaev bul málimdemelerdiń ar jaǵynda sailaýshylar aldynda upai jinap qalýy talpynysy jatqanyn aitty.
«Ony (Jirinvoskidi -red.) qolǵa qaryndash alyp otyryp tyńdaýdyń qajeti joq. «Popkorn» alyp otyryp tamashalaý kerek. Til máselesindegi, memlekettik saiasat, etnosaralyq qatynastar týraly aitsaq, Prezident keshe bul saýaldardyń bárine núkte qoiyp, taqyrypty japty», - dedi Prezident ákimshiligi basshysynyń birinshi orynbasary.
