QR Prezident Ákimshiligi Basshysynyń birinshi orynbasary Dáýren Abaev memlekettik qyzmetshilerdiń ailyǵyn suraityn jýrnalisterge qatysty pikir bildirdi, dep habarlaidy QazAqparat.
«Men muny «haip» deimin. Jemqorlyq zań buzý bolǵanda, laýazymdyq ókiletin asyra paidalaný bolǵanda, memlekettik qyzmetshiniń áreketi ádepke jat bolǵanda synasa túsinem. Ondai syndy qoldaýǵa bolady. Shynyn aitqanda, jýrnalisterdiń ministrler men ákimderdiń ailyǵy qansha ekenin teńdessiz jýrnalistik zertteý júrgizip jatqandai keiippen suraityndary maǵan kúlkili siiaqty kórinedi», - dedi ol «Ashyq dialog» suhbatynda.
Prezident Ákimshigi Basshysynyń birinshi orynbasary mundai suraqqa tap bolatyn sheneýnikterge keńes te berdi.
«Al ákimdikter men Úkimettegi áriptesterime qyzarmai, tutyqpai, óz ailyǵy týraly shyndyqty aitýǵa keńes beretin edim. Memleketttik qyzmetshiniń eńbekaqysy Prezident tapsyrmasy boiynsha kóterilgen bolatyn. Ne úshin? Bul – quzyreti joǵary mamandar úshin kúres. Bilim-biligi tómen memlekettik qyzmetshige tap bolǵan kezde onyń ornynda bolýy tiis bilikti mamannyń bankte nemese kez kelgen kommertsiialyq kompaniiada júrgenin túsinesiz», - dedi Dáýren Abaev.
