قر پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ مەملەكەتتٸك قىزمەتشٸلەردٸڭ ايلىعىن سۇرايتىن جۋرناليستەرگە قاتىستى پٸكٸر بٸلدٸردٸ, دەپ حابارلايدى قازاقپارات.
«مەن مۇنى «حايپ» دەيمٸن. جەمقورلىق زاڭ بۇزۋ بولعاندا, لاۋازىمدىق ٶكٸلەتٸن اسىرا پايدالانۋ بولعاندا, مەملەكەتتٸك قىزمەتشٸنٸڭ ەرەكەتٸ ەدەپكە جات بولعاندا سىناسا تٷسٸنەم. ونداي سىندى قولداۋعا بولادى. شىنىن ايتقاندا, جۋرناليستەردٸڭ مينيسترلەر مەن ەكٸمدەردٸڭ ايلىعى قانشا ەكەنٸن تەڭدەسسٸز جۋرناليستٸك زەرتتەۋ جٷرگٸزٸپ جاتقانداي كەيٸپپەن سۇرايتىندارى ماعان كٷلكٸلٸ سيياقتى كٶرٸنەدٸ», - دەدٸ ول «اشىق ديالوگ» سۇحباتىندا.
پرەزيدەنت ەكٸمشٸگٸ باسشىسىنىڭ بٸرٸنشٸ ورىنباسارى مۇنداي سۇراققا تاپ بولاتىن شەنەۋنٸكتەرگە كەڭەس تە بەردٸ.
«ال ەكٸمدٸكتەر مەن ٷكٸمەتتەگٸ ەرٸپتەستەرٸمە قىزارماي, تۇتىقپاي, ٶز ايلىعى تۋرالى شىندىقتى ايتۋعا كەڭەس بەرەتٸن ەدٸم. مەملەكەتتتٸك قىزمەتشٸنٸڭ ەڭبەكاقىسى پرەزيدەنت تاپسىرماسى بويىنشا كٶتەرٸلگەن بولاتىن. نە ٷشٸن? بۇل – قۇزىرەتٸ جوعارى ماماندار ٷشٸن كٷرەس. بٸلٸم-بٸلٸگٸ تٶمەن مەملەكەتتٸك قىزمەتشٸگە تاپ بولعان كەزدە ونىڭ ورنىندا بولۋى تيٸس بٸلٸكتٸ ماماننىڭ بانكتە نەمەسە كەز كەلگەن كوممەرتسييالىق كومپانييادا جٷرگەنٸن تٷسٸنەسٸز», - دەدٸ دەۋرەن اباەۆ.
