Qazaqstandaǵy qos bilik jaily daqpyrtty talqylai berýdiń esh reti joq. Aqparat jáne qoǵamdyq damý ministri Dáýren Abaev «Habar» arnasyndaǵy «Ashyq dialog» baǵdarlamasynda osylai dedi, dep habarlaidy "Ult aqparat".
«Qazaqstandaǵy eki bilik» degen daqpyrt basyldy dep oilaǵan edim. Bul máseleni talqylai berýdiń qajeti joq. Bizde zańdy túrde sailanǵan Prezident bar. Oǵan Qazaqstandaǵy halyqtyń 74 paiyzy daýys berdi. Al bul degenińiz – bizdiń elimizdegi 6,5 mln adam degen sóz. Qazirgi tańda Konstitýtsiiamen bekitilgendei Prezidentte tolyqqandy barlyq quziret bar. Azamatttardyń orasan zor senim mandaty, Elbasynyń qoldaýy bar. Qos bilik týraly daqpyrtty talqylai berýdiń retin kórmei turmyn. Kelisip alý – taǵaiyndaý emes. Memleket basshysy taǵaiyndaidy. Sondyqtan joq jerden áńgime shyǵarýdyń qajeti joq», - dedi Dáýren Abaev.
Eske sala ketsek, QR Prezidentiniń baspasóz hatshysy Berik Ýáli Memleket basshysynyń 2019 jylǵy 9 qazandaǵy «Qazaqstan Respýblikasy Prezidentiniń keibir aktilerine ózgertýler men tolyqtyrýlar engizý týraly» Jarlyǵyna túsinikteme bergen bolatyn.
