Foto: Aqordanyń baspasóz qyzmeti
Dáýren Abaev Qazaqstannyń Reseidegi Tótenshe jáne ókiletti elshisi bolyp taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
«Memleket basshysynyń Jarlyǵymen Dáýren Áskerbekuly Abaev Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi laýazymyna taǵaiyndaldy», - dep jazylǵan qujatta.
Dáýren Áskerbekuly Abaev 1979 jyly Almaty oblysynda dúniege kelgen.
2001 jyly Ál-Farabi atyndaǵy Qazaq ulttyq ýniversitetin, 2006 jyly Leiden ýniversitetin támamdaǵan.
2001 jyldyń tamyzy men 2003 jyldyń tamyzy aralyǵynda Qazaqstan Respýblikasy Syrtqy ister ministrliginiń ortalyq apparatynda jumys istegen.
2003 jyldyń mamyry men 2007 jyldyń mamyry aralyǵynda Qazaqstan Respýblikasynyń Ázerbaijandaǵy jáne Niderland Koroldigindegi Elshilikterinde diplomatiialyq qyzmet atqarǵan.
2007 jyldyń mamyry men 2007 jyldyń jeltoqsany aralyǵynda — Qazaqstan Respýblikasy Syrtqy ister ministrliginiń baspasóz qyzmeti bóliminiń bastyǵy.
2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblikasy Prezidenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda — QR Prezidentiniń baspasóz hatshysynyń orynbasary.
2009 jyldyń qazanynan — Qazaqstan prezidenti Ákimshiliginiń Memlekettik baqylaý jáne aýmaqtyq-uiymdastyrý jumysy bóliminiń memlekettik inspektory.
2011-2016 jylǵy 6 mamyrǵa deiin Qazaqstan prezidentiniń baspasóz hatshysy, keńesshisi qyzmetin atqarǵan.
2016 jyldyń mamyry men 2019 jyldyń aqpan aralyǵynda – QR Aqparat jáne kommýnikatsiialar ministri.
2019 jyldyń aqpany men 2020 jyldyń mamyry aralyǵynda – Qazaqstan Respýblikasy Aqparat jáne qoǵamdyq damý ministri.
2020 jyldyń 4 mamyrynan bastap Qazaqstan Respýblikasy Prezident Jarlyǵymen Qazaqstan Respýblikasy Prezidentiniń Ákimshiligi Basshysynyń birinshi orynbasary qyzmetine taǵaiyndaldy.
2022 jyly 11 qańtarda QR Mádeniet jáne sport ministri bolyp taǵaiyndaldy.
2023 jyldyń naýryzynda TMD Bas hatshysynyń orynbasary boldy.
