"Qazmedia Ortalyǵy» ǵimaratynda Aqparat jáne kommýnikatsiialar ministri Dáýren Abaevtyń qatysýymen «Qazaqstan» RTRK» AQ-tyń keńeitilgen alqa májilisi ótti. Májiliske «Qazaqstan» RTRK» AQ-nyń basqarma tóraiymy Nurjan Muhamedjanova men korporatsiianyń departamentteri men bólimderiniń jáne qurylymdyq bólimsheleriniń basshylary qatysty, dep jazady BAQ.kz tilshisi Egemen Qazaqstanǵa silteme jasap.
«Qazaqstan» RTRK» AQ elimizdegi telehabar taratatyn birinshi arna. Sol sebepti onyń jumysy da soǵan sai bolýy kerek. Ol úshin ministrlik tarapynan qashanda qoldaý kórsetilip keledi jáne aldaǵy ýaqytta da solai bolady. Búgingi tańda Sizderdiń aldylaryńyzda qoǵamdy sapaly ári tyń aqparattarmen qamtamasyz etý baǵytynda úlken mindetter tur. Osy rette biz ásirese Korporatsiianyń aimaqtardaǵy ókildikteriniń jumystaryn jetildirýge kúsh salý qajettigin aitqymyz keledi. Aimaqtarda materialdyq-tehnikalyq bazanyń jaǵdaiy da nazarǵa alynǵany jón», – dedi ministr Dáýren Abaev.
Buǵan qosa ministr habar taratý barysynda Qazaqstan Táýelsizdiginiń 25 jyldyǵy erekshe nazarda bolýy qajettigin eskertti. Sondai-aq ol ministrlik pen quzyrly organdar tarapynan Golovkin-Brýk kezdesýi siiaqty aitýly sharalardy kórermenderge jetkizý baǵytynda da tiisti jumystar júrgizilip, aldaǵy ýaqytta qalyń kópshilik kópten kútken osy saiysty tamashalai alatyndyqtaryn jetkizdi.
«Ministrlik tarapynan elimizde habar taratý isine barynsha kóńil bólinip keledi. Endigi kezek tek Sizderdiń jumyla jumys isteýlerińizge bailanysty», – dep atap kórsetti D.Abaev.
Jiynda baiandama jasaǵan «Qazaqstan» RTRK» AQ Basqarma tóraiymy Nurjan Muhamedjanova ózi basqaryp otyrǵan ujymnyń jumysy men jetistikteri týraly esep berip, aldaǵy josparlary jaily aitty. Onyń sózine qaraǵanda, “Qazaqstan” ulttyq telearnasy jasaǵan telehikaialar shetelde joǵary suranysqa ie.
«Kórermender yqylasyna bólengen «Syrǵalym», «Qasym», «Jambyl» kórkem telehikaialary búginde Resei, Tatarstan, AQSh, Kipr men Sloveniia elderinde kórsetilýde», – dedi Nurjan Jalaýqyzy.
Keńeitilgen alqa májilisi kezinde «Kazsport» telearnasynyń direktory Pavel Tsybýlin de baiandama jasady. Ol «Aqparatty Qazaqstan-2020» memlekettik baǵdarlamasynyń nasihattalýdaǵy mańyzyn, salamatty ómir saltyn negiz etken maqsat-mindetterdiń, otandyq jáne sheteldik sporttyq oqiǵalarmen aqparattandyrýdyń mańyzdylyǵyna toqtaldy. Eń bastysy – qazaqstandyqtardyń nazaryn sportqa aýdarý ekenin aitty.
«Telearna sport salasy boiynsha 7 baǵytta qyzmet etedi. Kóbine efirde kásibi sportpen bailanysty kontent beriledi. Olardyń qatarynda QR Mádeniet jáne sport ministrligi usynǵan jarystardyń jyldyq josparyna jáne qazaqstandyq atletterdiń qatysýymen ótetin halyqaralyq saiystardyń kestesine sáikes túrli chempionattar men týrnirlerden transliatsiialar bar», – dep atap ótti P.Tsybýlin.
.jpeg)