Qymbatty dostar!
Talantty boksshymyz Qanat Islamnyń ganalyq Patrik Alloteimen jekpe-jegine sanaýly saǵattar qaldy. Boks keshin «Qazaqstan» Ulttyq telearnasy tikelei efirde kórsetýdi josparlap otyr.
Qanat - jastarymyz úshin patriottyqtyń úlgisi. Onyń ózge eldegi zor múmkindikterden bas tartyp, atajurtyna oralýyn, sonymen qatar elimizdiń ataǵyn shyǵarýǵa talpynýyn úlken azamattyq dep bilemin.
Osyndai namysty jigitterimizdiń arqasynda Qazaqstan álemge tanylýda. Óskeleń urpaq salaýatty ómir saltyna, sportqa qulshynýda.
Osynyń barlyǵy - biyl 25 jyldyǵyn atap ótkeli otyrǵan qasterli Táýelsizdigimizdiń jemisi.
Qanatqa jáne osy keshte baq synaityn basqa da boksshylarymyzǵa sáttilik tileimin!
Búgin barshamyz bir kisidei sportshylarymyzǵa qoldaý kórseteiik.
Aqparat jáne kommýnikatsiialar ministri Dáýren Abaevtyń feisbýktegi paraqshasynan
