Qyzylordalyq 12-synyp oqýshysy Álihan Shákiman jel generatorynyń 3D-úlgisin oilap tapqan. Bul týraly búgin Májilistegi Úkimet saǵatynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat tilshisi.
«10-synyp oqýshysy Álihan Rahmetov kózi kórmeitin jáne nashar kóretin adamdarǵa arnalǵan «aqyldy» taiaq oilap tapty. Taiaqtaǵy arnaiy sensorlar kedergilerdi qashyqtyqtan anyqtap, signaldy dinamikke jiberedi. Ol óz kezeginde 4 myń gerts jiiligimen dybys shyǵarady. Tipti qaladaǵy shý arasynda da anyq estiledi», - dedi ministr.
Al, qyzylordalyq 12-synyp oqýshysy Álihan Shákiman jel generatorynyń 3D-úlgisin oilap tapqan. Onyń qurylysy balamaly energiiany tiimdi paidalanýǵa múmkindik beredi. Óndirilgen elektr qýaty tutas shaǵyn aýdandy qamtamasyz etýge jetkilikti.
«Aqtóbelik oqýshy Nurdáýlet Taýmergenov mylqaý kisilerge arnalǵan qolǵap oilap tapty. Ol telefondaǵy arnaiy baǵdarlama arqyly isharatty aýyzsha sóileý tiline aýdarady. Eger eki qolǵapty qoldansańyz, 1 024 sózdi sintezdeýge bolady. Mundai balalar kóp. Olardy tárbielegen óz elimizdiń azamattary, olar – memlekettik saiasattyń, Elbasy saiasatynyń, Prezident saiasatynyń nátijesi jáne olar óz elin súiedi. Sondyqtan bizdiń jobalarymyz jumys istep, nátijelerin berýde. Jastar jyly – bul memlekettiń óz bolashaǵyna qosqan úlesi jáne bizdiń balalarymyz, jasóspirimderimiz osy joldaǵy barlyq shyǵyndardy eselep qaitaratynyna, úmitimizdi aqtaryna senimdimin», - dedi Dáýren Abaev.
