Búgin Májiliste QR Aqparat jáne qoǵamdyq damý ministri Dáýren Abaev beibit jiyndar týraly zań jobasyn ázirleý barysynda halyqaralyq tájiribe tyńǵylyqty zerdelengenin aitty, dep habarlaidy QazAqparat.
«Biz halyqaralyq, onyń ishinde EQYU elderiniń tájiribelerin tyńǵylyqty zerdelep shyqtyq. Tolyqtai alǵanda, halyqaralyq tájiribe álemniń kóptegen elderinde beibit jiyndardy uiymdastyrý jáne ótkizý barysyndaǵy basty basymdyq qoǵamdyq qaýipsizdik ekendigin kórsetti. Qoǵamdyq-saiasi ahýaldyń nasharlap ketýine bailanysty beibit jiynalystar ótkizý jónindegi zańnamalaryn qatańdatýǵa barǵan birqatar demokratiialyq el bar», - dedi ministr Qazaqstan Respýblikasynda beibit jinalystardy uiymdastyrý jáne ótkizý tártibi týraly» jáne «Qazaqstan Respýblikasynyń keibir zańnamalyq aktilerine beibit jinalystardy uiymdastyrý jáne ótkizý tártibi máseleleri boiynsha ózgerister men tolyqtyrýlar engizý týraly» zań jobalaryn tanystyrý barysynda.
Onyń atap ótýinshe, zańdaryn yryqtandyrýǵa barǵan Frantsiia, Germaniia, Ulybritaniia, Polsha, postkeńestik keńistikte Qyrǵyzstan men Armeniia syndy elder de bar. Olarda beibit jiyndardy ótkizý eskertý júiesi arqyly oryn alady.
«Ruqsat berý júiesi AQSh, Shvetsiia, Japoniia, Singapýrda qoldanylady. Beibit jinalystardy uiymdastyrý men ótkizý máselelerin retteitin qoldanystaǵy zańnamasy 25 jyl buryn, 1995 jyly qabyldanǵan. Qoǵam sanasyna jinalystar mádenietin sińiretin ýaqyt keledi. Sóz qoldanystaǵy zańnamany tek ózgertý jaiynda ǵana emes, tujyrymdamalyq turǵyda jańa zań jobasy jaiynda bolyp otyr. Ol beibit jiyndardyń barlyq túrlerin uiymdastyrý jáne ótkizý máselelerin reglamentteitin bolady», - dedi Dáýren Abaev.
