Elordada jańadan ashylatyn HQKO-da operatorlar bolmaidy. Bul týraly Parlament Májilisindegi Úkimet saǵatynda QR Aqparat jáne kommýnikatsiialar ministri Dáýren Abaev aitty, dep habarlaidy Ult.kz tilshisi QazAqparat agenttigine silteme jasap.
«Jaqyn arada Astanada digital-HQKO-ny ashý josparlanyp otyr. Onda operatorlardyń qatysýynsyz memlekettik qyzmetterdi tolyqtai avtomattandyrylǵan rejimde alý qarastyrylǵan. Tsifrlyq halyqqa qyzmet kórsetý ortalyǵyn ashý memlekettik qyzmetterdiń jańa formatyna kóshýdiń kezeńi bolady. Osy oraida azamattar qoǵamdyq pýnktter, ózine qyzmet kórsetý sektorlary men arnaiy stendterdegi planshetter kómegimen elektrondyq ótinimderdi beredi», - dep túsindirdi ministr.
Búginde Aqparat jáne kommýnikatsiialar ministrligi memlekettik qyzmet kórsetý protsesterin odan ári damytý boiynsha keshendi sharalardy júzege asyrýda. Eń aldymen, «elektrondyq úkimettiń» jáne «Azamattarǵa arnalǵan Úkimet» memlekettik korporatsiiasynyń qyzmetin úilestirý men damytý sharalary eskerilgen.
«Qazirgi kezde 746 memlekettik qyzmettiń 621-i nemese 83 paiyzdan astamyn azamattar memlekettik korporatsiia arqyly alýǵa qaýqarly. Elimiz boiynsha onyń 349 front-keńsesi bar. Olarda jumys isteitin 22 myńǵa jýyq qyzmetker jyl saiyn 34 millionnan astam qyzmet kórsetýde», - dep naqtylady Dáýren Abaev.
